• Breaking News

    Ariana Grande’n ‘Sweetener’ tour a tan, hla 31 nen

    Ariana Grande chuan  Sweetner world tour chu New York-ah a \an ta a. Hla 31 lai a sa.

    New York-a show a neih hi stage pawh a chk khep khep hle a. spencal video screen pahnih inkar-ah stage an siam a. Hetah hian Grande hian Sweetener leh Thank u, next album-a hlate a sa a, fan-ten an sapatal a ni ber mai a, a boruak chu pui tak a ni ringawt.

    Hetih lai hian mi \henkhatin an duh em em hla pahnih - Ghostin' leh Imagine-te chu a sa duh lo va. A bialpa hlui Mac Miller nena an chanchin, nikuma OD vanga boral ta nena an chanchin a sawi chhuahna kha a nih avangin a sa duh lo a ni ang.

    Sound check laiin Grande chuan Imagine chu live-a sak tur chuan a heavy lutuk niin a sawi a. Mahse, Times Union Center, Albany, New York-a a fan-te hmaah a bialpa hlui chawimawi nan hian a music \henkhat erawh a play tho.

    Grande hi kum 2017 a Manchester khawpuia a concert zawha bomb puak avanga mi 22 lai an thih avang khan hlauhna leh rilru hahnain a tibuai nasa hle a. Chuti chung chuan Sweetener album hla te hi  a phuahin a record hlawm a. Mahse, a hit chho ta em em vek ringawt mai a. Chutih lai chuan a harsatna lak a\anga tal chhuak turin hlimna a chhar a, Saturday Night Live comedian Pete Davidson nen an inngai-zawng a, mahse, Miller-a thih hnuah neuh neuh an nei a, an inkar a chhe leh nghal.  Sweetener Tour neih a tum pawh a \hulh leh a, kar hnih chhung lekin album thar - thank you, next chu a tichhuak a. Chutah chuan hla lungkuai leh hriat hlawh tak tak - Fake Smile tih te, Imagine leh thank you, next-te chu khawvel \halaite hla duh a rawn ni chho ta nghal bawk a ni.

    Chu album, kar hnih lek a siam chu a nep lo tih a chiang a. Billboard's Hot 100 singles chart-ah, The Beatles hnua top 3-a hla zawng zawng hauh thei hmasa ber a rawn ni ta hial a nih kha.

    Kum 25-a upa Grande hian a show \an nan hian Raindrops (An Angel Cried) a rawn sa a. Chumi hnuah nikum MTV Award Show-a a sak God Is A Woman chu a sa leh a ni.

    A show-ah hian a hla tharten hmun an chan hnem viau laiin, hla hlui - Into You, Side To Side, Break Free and One Last Time -  te pawh a rawn sa tel tho.

    New York-a a tour hawnna concert hi darkar khat leh a chanve zet a rei a ni a. Minute 90 hnuah a tawp nan No Tears Left to Cry leh thank u, next chu a rawn sa a ni.

    Concert zawhah social media a\angin a fan-te chu  lawmthu hrilhin, “Sawi tur pawh ka haihchham rih tlat mai. Tuna tan chuan ka lawm e tih hi tawk mai rawh se,” tiin a post a. "My mind is all over the place and v emotional. thank you thank you thank you." a ti a ni.

    No comments

    Post Top Ad

    Post Bottom Ad