• Breaking News

    Argentina tan Higuain inkhel dawn lo

    Gonzalo Higuain chuan Argentina ram tana a khelh hun chu a tawp tawh tih a sawi a. Tuna international break neih meka Argentina-in friendly an khelhah hian Higuain hi koh tel a ni tawh lo a ni.

    Higuain chuan, “Ngun taka ka ngaihtuahin ka hun a tawp tawh niin ka hria. Ka chhungte bula hun tam zawk hman pawh ka chak ve tawh. Mi tam tak lawmna turin (\henkhat tan chuan a lawmawm kher lo maithei a, ka hun a zo ta tih ka puang a ni. Tunah chuan ram tana inkhel turin ka awm em, ka fit em tih ngaihtuah buai a ngai tawh lo ang,” a ti a. A tihdan hi lungawi lo \awngkam a ang lek lek mai.

    Higuain hian Argentina tan hian tournament lian vawi thumah final a khel a, a chak lohpui vek a. Ram tan match 75 khelin, goal 1 a khung a. 2014 World Cup final a khel a, 2015 Copa America final a khel a, 2016 Copa America Centenario final a khel bawk a, an chak lo vek.

    Argentina tana a khelh hnuhnun ber chu nikum World Cup-a Nigeria 2-1 a an hnehna inkhelah khan a ni a. Naupang zawk tan hmun a kian ve ta a, a chawl dawn ta a ni.

    Higuain hi Real Madrid -ah pawh lo khel tawh niin, world class striker-a ngaih a ni a. Napoli-ah khelin, a che \ha hle a, Juventus-in an la a, beisei a phak ta chiah lo va. Kumin January thla khan Chelsea chuan loan-in Juventus a\ang hian an la chhuak a. Chelsea tan hian match 10 khel tawhin, goal 3 a khungsak tawh a. Premier League chu dang-lam a tih thu leh nuam a tih thu sawiin, Chelsea tan theih tawp a chhuah thu a sawi.

    No comments

    Post Top Ad

    Post Bottom Ad