• Breaking News

    April ni 2-ah Schumacher F1 ah

    Mick Schumacher, Formula One world cham-pion vawi sarih lo ni tawh Michael Schumacher-a fapa chuan kumin April ni 2 hian Formula 1 ah a inlan dawn a, Ferrari tan an car a khalh chhin dawn a ni.

    Kum 20-a upa German driver hi thlasik lai khan Ferrari academy-ah a inziak lut a. Bahrain-ah Ferrari car a khalh ang a, a hnuah Ferrari-a in-affiliate  Alfa Romeo car a khalh leh dawn a ni.

    Schumacher hian tunkar hian Formula 2 intlansiakah a tel dawn a, Formula 1 intlansiak tak takah chuan kan la hmu har deuh maithei.

    Eng pawh ni se, a pa, Michael Schumacher chu accident vangin biak pawh biak theih loh a ni mek a. Mahse, a pa avangin Mick chanchin hian ngaihven a hlawh a. Michael kha Ferrari team-ah hian hun rei tak awmin, Grand Prix vawi 91-ah hnehna a chang a, world title vawi 5 a lak kha Ferrari team-a a awm lai a ni nghe nghe a. Heti khawpa an driver hlawh-tling fapa Mick hi Ferrari chuan Formula One driver ropui ni ngei tura chher chhoh an tum dawn a ni.

    Kum 50-a upa Michael Schumacher hi kum 2013 December thla khan vur an tawlhnaah a lu a sawh avangin a thi lek lek a. mahse, tunah hi chuan a dinhmun a ngaihtuahawm tawh loh naa, a chhungte chuan a chanchin chu mipu hriatah an puangzar duh lo va, hriat nuam a ni lo a ni ngei ang. ‘Zep ila amah pawhin a duh zawk kan ring a ni,” an ti.

    No comments

    Post Top Ad

    Post Bottom Ad