• Breaking News

    Apple-in TV+ an tichhuak

    Apple chuan California-ah TV streaming platform thar, ‘Apple TV+’ chu an hawng.

    He hunah hian lemchan lama mi langsar - Jennifer Aniston, Steven Spielberg leh Oprah Winfrey te pawh an tel a. Apple chuan TV project lian tham tak an neih an hawng ta tih an sawi a. He platform-ah hian show awm sa tawh - Hulu leh HBO te pawh an tel thei dawn a ni.

    Hemi rual hian Apple chuan credit card, gaming portal leh news puanna tur app thar pawh an tichhuak nghal bawk,

    He hun hi California-ah hman a ni a. Apple Chief Executive Tim Cook chuan an thil hawn thar chu khawl thar ni lovin, service thar a ni tih a sawi a. Kum 42 chhung zet an kalphung chu kalphung tharin an thlak dawn niin a sawi.

    Hun eng emaw chen a\ang khan Aplle-in TV streaming market an luh chilh tur thu hi sawi a lo ni tawh a. Anni hma hian Amazon leh Netflix-te chuan internet-a TV channel tihchhuah hi an lo kalpui tawh a ni.

    Apple TV+ app hi Steven Spielberg chuan hawngin, ani hian he platform hmang hian thil thar eng emaw buatsaih a la tum thu a sawi bawk.

    He hunah hian Reese Witherspoon, Steve Carell, Jason Momoa, Alfre Woodard, comedian Kumail Nanjiani leh Big Bird (Sesame Street) te pawh an tel.

    Thu sawitu zinga mi Oprah Winfrey pawhin he app-ah hian lehkhabu lam pawh telh a nih maitheih thu a sawi.

    Apple TV+ lak man hi sawi a ni tih lo va. Tuna streaming service awm sate tibuai chuang si lovin, show thar leh hmuhnawm si tihchhuah theih an inbeisei a, chutiang tak chu a ni ang em tih erawh tunah chuan a la chiang lo.

    Apple Card - credit card hi kumin nipuiah US-ah chuan tihchhuah a ni dawn a, a card tak bakah iPhone version siam a ni dawn bawk a. He card hmanga thil lei apiangah cashback a awm ziah dawn a. Apple Pay VP Jennifer Bailey chuan credit card hi late fee leh annual fee emaw, international fee emaw awm lo tur a nih thu a sawi a. Apple News+ pawh tlangzarh a ni bawk.

    No comments

    Post Top Ad

    Post Bottom Ad