• Breaking News

    Ajax-in Champions League atangin Real Madrid an hnawt chhuak

    Ajax chuan Europe-a vawi 13 champion tawh Real Madrid chu Bernabeu-ah ngei 4-1 a hnehin, first leg-a 1-2 a an chak loh hnuah Champions League last 16-ah 5-3 in hnehna an chang a, quarter-finkal anlut a. Kum 22 chhunga Cham-pions League quarter-final an luh vawi khatna a ni.

    Erik ten Hag-a enkawl Ajax hian last 16 first leg-ah khan anmahni mualah European champion ni lai Real Madrid hi 1-2 in an hneh lo va. Second leg hi Bernabeu-a khel tur an nih avangin Real hi awlsam te-a quarter-final lut tura rin an ni a. Anmahni pawh an inring a, an inrin avangin an captain Ramos pawhin yellow card a hmu lui hial a nih kha. Mahse, an inkhel a, rin ang ngawt chu a ni ta lo a. Minute 18 an inkhelh chuan Hakim Ziyech leh David Neres-ten goal khungin, hma an hruai der tawh a. First half-ah 2-0 in hma an hruai a, second half-ah first half-a goal hnih siamtu Dusan Tadic chuan ama pualin goal a rawn khung belh zui a. A zawna Champions League-a vawi 3 champion tawh Real an \ang a, Marco Asensio chuan minute 70-naah goal khat a rawn khung ve a. Mahse, Ajax tan Denmark midfielder Lasse Schone chuan free-kick a\angin a rawn khung a, he goal a luh lai hian minute hnih chiah a awm tawh a, Real hian goal thum khung an la mamawh a, a ngaihna a awm ta lo.

    Santiago Solari chuan fan-ten an auh nawmnah Gareth Bale chu a tirah a luhtir lo va, mahse, minute 29-na lekah Lucas Vaz-quez a inhliam a, a rawn lut a, goal ban a pet per bak thil ropui a rawn ti lo va. Real hian an captain Sergio Ramos awm loh an tuar a, an tlar hnung a pherh thei khawp mai.

    Inkhelh hun pangngai a tawp a, hun pek belhah Nacho chu hnawh chhuah a ni zui a, Real chet chhiat a kal tluang a ni.

    Ajax hi Champions League knockout stage-ah mahni home-a first leg-a 1-2 a chak loh hnuah chek leh thei hmasa ber an ni ta daih a ni.

    Ajax player-te hi an la naupang tlang hle a, an first XI-a player 6-te chu kum 22 hnuailam vek an ni.

    Southampton player hlui Tadic a che \ha hle a, he inkhelah hian man of the match a ni ta reng a; tun season-ah Ajax chet \hat chhan hi amah vang ti ila kan sawi sual lem lo ang.

    Tadic bakah hian Barcelona-in pound maktaduai 65-a an lei tur midfielder Frenkie de Jong  pawh a khel \ha a. Hetih lai hian Real goalkeeper Thibaut Courtois chu che \ha deuh lo se chuan Real hian si an phurh belh nual ang chu!

    Ajax hi hetiang zela an khelh chuan tun season Champions League round sang lam chu a hmuhnawm chho viau dawn niin a lang.

    Real hi Champions League chanchina club hlawhtling ber an ni a, sea-son thum chhung champion lai an ni bawk a, mahse, tunah chuan an tla ta!


    Dortmund hnehtu Spurs

    Tottenham chuan Bun-desliga hmahruaitu Borus-sia Dortmund chu Cham-pions League last 16 first leg-ah 3-0 a an hneh hnuah second leg chu Germany ramah an khel a, Harry Kane-a goal khung hmang -in si khat faia hneh lehin quarter-final an lut.

    Spurs hi kum 2011 hnua Champions League quarter-final an luh leh vawi khatna a ni a, Kane chu European competition-a Spurs tana goal khung hnem ber a ni ta bawk.

    Second leg, Westfalen -stadion-a inkhelah hian first half-ah Dortmund hian nasa takin Spurs an nawr a, mahse, Spurs an inveng tluan thei a, Dortmund hian goal zawnah an pet lo hrim hrim. Second half an \an deuh chiah tihin Moussa Sissoko pass chu Kane chuan lain goal-ah a chantir a, hei hi an chakpui ta a ni

    Kane hian Europe-ah Spurs tan goal 24 a khung tawh a, a hmaa Spurs club record goal khungtu Jermain Defoe chu a lehpel ta chiah a ni.

    Spurs hian tun season Premier Legaue-ah goal chhuah lohva khelh tluan match khat chiah an la nei a, mahse, Bundesliga hmahruaitu Dortmund lakah erawh vawi hnih inkhelhah goal an chhuah lo ve tlat.

    Champions League quarter-final draw hi March ni 15, Zirtawpni khian neih a ni ang.

    No comments

    Post Top Ad

    Post Bottom Ad