• Breaking News

    Africa-ah lesbian film tan award!

    Rafiki
    Africa khawmualpuia film festival lian berah chuan Kenyan hmeichhe lemchan thiam, mahni hmeichhiatpui ngaizawngtu chu chaw-mawi a ni a. An chawimawi ber hi an ramah chuan a film channa hi chhuah an phalsak lo.

    Fespaco film festival chu Burkina Faso-ah neih a ni a. Hetah hian Kenian lemchan thiam Samantha Mugatsia chu a film chan, “Rafiki” avangin best actress award hlan a ni.

    A chunga sawi ang khian hetianga chawimawi-na a dawn lai hian Kenya Film Classification Board (KFCB) chuan nikum khan he film hi an ramah chhuah an phalsak lo va, ‘hmeichhia leh hmeichhia inkawp chawi sanna a ni’ tiin an rama chhuah hi an khap a ni.

    Kenya-ah hian neih inang inkawp hi khap a ni a. Britain-in an awp lai a\anga dan an neih kha an la kalpui zel a. Neih inang inkawp a, mipa leh mipa inpawl man chhuah phei chu kum 14 chhung tanina khung theih a ni a. Mahse, he dan hi kumin May thla hian High Court-ah an sawi \ha dawn a ni.

    KFCB chuan Rafiki film hi an ramah lo en leh lo nei an awm chuan man tur an ni tih thuchhuah siamin an sawi.

    Rafiki hi ‘Thian’ tihna a ni a, nula naupang tak tak pahnih inhmangaihte chungchang, Uganda writer Monica Arac de Nyeko short story ‘Jambula Tree’ behchhana film siam a ni a, ngaihven a hlawh hle a ni.

    No comments

    Post Top Ad

    Post Bottom Ad