• Breaking News

    1st Inter Branch Hockey (5’s) Tournament, 2019 Runner Up lawm

    Nimin khan Kawnpui Venglai Branch YMA chuan LBS Suzuki 1st Inter Branch Hockey (5’s) Tournament, 2019-a Runner Up an nih chu Ruai nen an lawm.

    Runner-Up lawmmna hi Pu R. Lalzawmliana, President chuan a kaihhruai a, Pi Lalhruaitluangi, MCS, SDO (C) chuan Khuallian niin a hmanpui a ni.

    Pu R. Lalzawmliana chuan Infiammite chuan rilru hrisel an nei tur a niin tiin rilru hriselna kawng hrang hrang a sawi a, hei bakah hian Players te chu khelmual piah lamah Chhungte tan pawha mi \angkai ni turin a fuih bawk a ni.

    Khuallian SDO (C) Pi Lalhruaitluangi, MCS chuan kawng eng kimah a \ha ber nih kan tum phawt tur a ni a, kan pha ta ngang lo a nih pawhin a dawttu hi a \ha ber a ni a ti.

    Pi Lalhruaitluangi chuan Kan nunphung kaihruaitu leh mihring nun hriltu ber Ngaihhlut zawng (Value System) pawimawhna a sawi a, kan ngaihhlut zawng a zirin hnam changkang tur leh hniam lam pan kan nih a hriat theih a, kan ngaihhlut zawng a dik loh chuan mimal, khawtlang leh ramah hlemhletna, harsatna tam tak a lo thleng thin a ni. Pi leh pute nun dan \ha kha kan ngaisangin kan inzirtir a hun tawh a, kan nihna ang takin, kan khawsak milin kan langchhuak ngam tur a ni. Mi hausate neih ang neih ve kher hi a \ul lova, kan thawhchhuah milin mawlmang taka nun hi kan inzir a ngai a ni a ti a.

    Pi Mahruaii chuan NREGS hian kan work culture a ti chhia, zawm thaw taka hnathawh pawh kan zak tawh lo. Thawhrimna tel lo hausa ngaisang zawk te pawh kan ang a, Hlawhtling tur chuan shortcut a awm lova. Thawh-rimna bak chhuan tur a awm lo. Khawvela mizahawm ber te chu mahni hna hlenchhuak a, mahni intodelh te hi an ni a ti bawk.

    He huna thusawitu dang Pu Lalbiaknunga, Awithangpa Group YMA Asst. Secy chuan \halaite khawvel a ni kan ti a, \halaite khawvel tih changchawi hian \halai tam tak chuan Kohhran leh Khawtlang duh loh hun kan hmang fo a, Kohhran leh khawtlang hnemhnanpui turin thalaite chuan kan chakna hmang zel turin kalkhawmte a fuih bawk a ni.

    He hunah hian Joint YMA President Pu R. Lalnunsanga leh Kawnpui Venglai Welfare, Aizawl atangin thusawi ngaihthlak a ni bawk.

    Central YMA leh Hockey Mizoram buatsaih Hockey (5’s) Tournament-ah hian Kawnpui Venglai Branch YMA atang hian team hnih an chhuak a, semi final insuin team khatin final an lut a, final-ah Durtlang Branch lakah si thum faia hma an hruai tawh hnuin 5-5 in an in draw a, tie break-ah Venglai hi 4-3 in an vanduai ta a ni.

    No comments

    Post Top Ad

    Post Bottom Ad