• Breaking News

    Zu chhe in vanga thi 102 ni tawh

    Assam
    Assam state-a Golaghat leh Jorhat-a zu chhe in vanga thi zat chu 102 an tling tawh.

    Report hnuhnung bera a lan danin thi zat hi za aiin an tam tawh a, tunah hian damdawiinah 20 aia tam enkawl mek an ni bawk a. Heng zinga a tam ber hi an dinhmun a \ha lo hle an ti.

    Thingpui huana thawk pakhat chuan local zu, ‘Sulai’ an tih mai chu jerry can hmangin a rawn hawn a. Chu bakah chuan Halmira Tea Estate-a thawk mi dang pakhat chuan a in a\angin zu hi a la chhuak bawk a. Hemi inte chu an dam lo ta a, thihna rapthlak tak a thleng ta hial a ni.

    Police-te chuan zu hi forensic mi thiamte en turin an thawn a. An sawi danin a zu hi a \ha lo ni lovin, an dahna bur - jerry can chu a bawlhhlawh a ni maithei tih an sawi a. He zu hi thingpui huana an thlawr ni lovin, hmun dang a\anga an lak luh niin an sawi bawk.

    Zu hi nasa taka do a ni chungin Assam-a thingpui huan hnathawktute chuan a huhova in vak hi an la ching reng a ni.

    No comments

    Post Top Ad

    Post Bottom Ad