• Breaking News

    Venezuela-in US tanpui duh lo

    Venezuela President
    Venezuela ram President Nicolas Maduro chuan sipai hmangin US \anpuina lo kal chu a lo dang.

    Venezuela eptute chuan an ram \anpuina tura US a\anga truck tam tak hmanga ei tur leh damdawi phurh chuan rama a luh ngei theihna turin hma an la a. Mahse, Maduro tirh Venezuela sipaite chuan mipuite chu tear gas leh plastic silai mu hmanga hnawt darhin, heng truck-te hi Colombia-ah an kir leh ta ringawt a ni.

    Hetianga sipaite hma lakna avang hian Vene-zuela civil mi 10 aia tamin hliam an tuar a. Mita hmutu te sawi danin hmai tuam, civil mi anga inthuamte pawhin sorkar dotute hi an kap niin an sawi.

    Colombia sorkar chuan an ram \henawm Venezuela-a eptu hruaitu Juan Guaido chu an thlawp a, Venezuela ram Presi-dent tur a ni an ti a. Hemi avang hian Maduro chuan Colombia rama an palai office-a hnathawkte chu nimin khan darkar 24 chhunga inthiar chhuak turin a hriattir nghal a ni.

    Venezuela hi oil ngah ram ni mah se politics a chiri avangin tunah hian mi tam takin ei tur \ha an nei lo va, ei tur \ha nei lo hi maktaduai 30 vel an tling tawh a, natna hri a leng \an mek an ti bawk.

    No comments

    Post Top Ad

    Post Bottom Ad