• Breaking News

    US-in Pakistan zin lo turin a mite a ti

    US chuan a mi leh sate chu Pakistan rama zin an tum a nih chuan firfiakte chetna avanga inngaihtuah nawn tur leh Pakistan ram leh a bulhnaia thlawhna chet sualna awm thei a nih thu an sawi.

    US Federal Aviation Administration chuan hriat tirna chhuahin, Pakistan-ah hian firfiak eng emaw zatin Pakistan ram khawi lai pawh bei mai thei an ni tih an sawi a. State Depart-ment pawhin, “Pakistan zin in tum a nih chuan inngaih-tuah nawn leh ang che u,” tiin an hrilh.

    America ram mite chu Pakistan ramah pawh Balochistan province leh Khyber Pakhtunkhwa (KPK) province-te chu tlawh lo hram turin an ngen a. Pakistan awp Kashmir pawh firfiakte an awm avang leh silai hmanga inkahna a thlen thut theih reng avangin tlawh lo turin an hriattir bawk.

    US thuchhuah chuan Pakistan hi firfiakte chuan beih tumin an tin reng a. Sawi lawk lo pawhin an bei thut thei reng a. Mipui tamna lai leh lirthei tlan vel an beih duh avangin mipuite tan fimkhur a ngai em em niin a sawi bawk.

    No comments

    Post Top Ad

    Post Bottom Ad