• Breaking News

    US-in Pakistan a vau

    Awantipora-a CRPF sipai 44 thah an nih hnu lawkah US chuan Pakistan  chu firfiakte tana hmun him leh nuam an siam mek titawp nghal turin a hriattir a. Pulwama-a firfiakten India sipai an beihna chu na takin a dem bawk.

    Jammu and Kashmir-a inbeihna thleng hi Pakistan rama hmun nei Jaish-e-Mohammad (JeM) chuan an tih a nih thu an sawi a. White House Press Secretary Sarah Sanders chuan, “US chuan Pakistan chu firfiakte a puihna \hin titawp a, an ram firfiak awmna atana a phal \hin pawh titawp nghal turin a hriattir a. Firfiakte hian an tum ber chu buaina leh harsatna, tharum thawhna leh innghirnghona chiah helai ramah hian tih tur an nei a ni,” a ti a. “He thil thleng hian US leh India ramten firfiaka chetna do letna kawnga thawh dun an tumna leh an thawh dun mekna a tichak sawt a ni,” tiin a sawi a. Pakistan chu khawvel ram hrang hrangin an dem rawn mek a ni a ti bawk.

    No comments

    Post Top Ad

    Post Bottom Ad