• Breaking News

    Tuitun Humhalh Kawngzawh; Tibawlhhlawhtu Hrem duhin mipui an au rual

    Kawnpui
    Kawnpui Dt. 13th Feb., 2019  : Mipui ten Tuitun leh Chhimluang lui thianghlim leh humhalh duhin kawng an zawh a. Lui tibawlhhlawhtu te chu na taka hrem an duh thu leh Lui hnaiah bawlhhlawh paih an duh loh thu kawngzawh pah hian an au rual a ni.

    Nimina Kawnpui, Mualvum, Bualpui leh Thingdawl mipui ten New Khamrang leh Tuitun inkara kawng an zawhna ah hian khawtlang mipui aiawh an tel tha hle a; Kohhran hruaitu lam Pastor leh Upa te an tel bawk a. Kawng zawh tura kalkhawm te hi mi 200 vel an ni.

    Kawnpui Market tual-ah hun hmasa ber hmangin Pu K Lalhmachhuana Save Tuitun Cimmittee Chairman in a kaihruai a; Pu Lalbiaknunga Group YMA Asst Secy in Tuitun humhalh tura hmalakna kal tawh te a report a; he hunah hian thusawiin Pu R Ronghaka SDO PHE chuan Tuitun leh Chhimluang lui humhalh a pawimawh tawh zia a sawi a; Tur hmanga Sangha hrai leh Bawlhhlawh paih avangin Lui chu a tenawm tan tawh a ni tiin venhimna kawngah sawrkar Deptt ringawt tan chuan indaih a harsa a; mipui ten an venhimpui an ngai a ni a ti. Hemi hnu hian Lirthei 50 velin New Khamrang pan a ni a. New Khamrang ah hian Pu H Lalrinchhana Joint VC Chairman in a kaihruai a; Pu H Lalmuanpuia Awithangpa Group YMA President chuan thusawiin kum 2008 atanga Tuitun kama thil tenawm ngaihmawh anih dan te; tun hnai ah YMA lamin Tuituna luang lut thei Ek In 6 lai an tihchhiat tawh thu te sawiin PHE chuan an thiamna hmangin Tuia natna hrik awm te tihlum thei mahse Ek leh bawlhhlawh tawphnawk vanga tenawm chu an thliar hrang thei lo a; chuvangin mipui ten tih thianghlim a ngai a ni a ti.

    New Khamrang tang hian Ke-in Tuitun pana kawng zawh a ni a. Hetah hian mipui te chuan Tuitun a luang lut tura bawlhhlawh paih an remtih loh thu te; Tuitun tui titenawm theitu eng mah an duh loh thu te; Tur hmanga Lui hraitu chu na taka hrem an phut thu te; Lui humhalh zel an tum thu hmangin an au rual a ni. Tuitun ah hian Pu Zonunthara Thingdawl VCP in hun a kaihruai a;  Pu Vanlalruata Forest RO chuan thusawiin Tuitun leh Chhimluang venhimna kawngah Forest Deptt chu an theih ang ang khawtlang mipui te tanpui an inhuam tiin Tur hmanga Lui hraitu hrem theihna dan te a sawi bawk.

    Nimina kawngzawha kal te pual hian PHE chuan Tuitun ah Refreshment an buatsaih a; Forest Deptt chuan Save Tuitun tih inziahna Car Flag an buatsaih bawk a. Lirthei keng lo te kalna turin Save Tuitun Committee chuan Kawnpui-a lirthei neitute hnenah ngenna siamin an lirthei keng chhuak turin a beisei a; chuanna tur lirthei a tam a; mahse mipui lam chuang tur an tam lo hle thung.

    Nimin tlai kawngzawh hnu hian Committee hruaitute chuan Tuitun chhak Luikawr kama Vawk In sak mek chu a hmun sawn turin a neitute an hrilh a; an bawlhhlawh paihna pawh sawn turin an hrilh nghal bawk.

    No comments

    Post Top Ad

    Post Bottom Ad