• Breaking News

    Tuirial bialtu MLA-in Exhibition a hawng

    ATMA
    Nimin khan ni hnih awh tur Kolasib District ATMA Exhibition Cum Fair chu Taitesena Hall, Kolasib Venglai-ah Tuirial bialtu MLA Andrew H. Thangliana'n a hawng.

    Khuallian, Andrew H. Thangliana chuan Central sorkarin Extension lama ramin hma a sawn theih nan tiin Mizoramah kum 2005 khan Centrally Sponsored Scheme angin ATMA hi a kalpui tih a sawi a. MLA chuan Agri & Allied Department ten tunlai thiamna (technology) te farmer te hnena zau zawka zirtirna pe tura duan a ni tiin Agriculture (Crop Husbandry) hi Nodal Department niin funding 90% Central tum niin 10% hi State sorkar tum a nih thu a sawi bawk.

    Pu Andrew-a chuan Khaw tinah farmer friend (kuthnathawktu) pakhat zel hlawh neia rawih an ni a. Kum 2015 chho atang phei chuan changtlung lehzuala hmalak a ni a, tunah hian SAMETI (State Agricultural Management and Extension Training Institute) te pawh staff Faculty neiin din a ni tawh bawk. Tin, 2018 khan Directorate of Agriculture (Crop Husbandry) atangin Directorate of Agriculture (Research & Extension ) lamah suan luh niin KVK nena thawkho tura tih a ni a ti a.

    Tuirial bialtu MLA chuan ATMA hi Society-ah registration ti \hin an ni a, Technical thil leh thutlukna siam chung-changah District Level ah thuneihna pek a ni a, he mi zulzui hian mipuite hnenah awmze nei zawka sum leh paia \anpuina pawh a  ngaihtuahpui thin a ni a ti bawk.

    No comments

    Post Top Ad

    Post Bottom Ad