• Breaking News

    Title 100 lak tumin Federer chak

    Tennis
    Roger Federer chuan ATP title za a lakna tura hma a laknaah Dubai Tennis Championships-ah Germany player Philipp Kohlschreiber a hneh.

    Australian Open last 16 a\anga a tlak hnua a inkhelh lehna hmasa berah Federer hian kum 35-a upa Kohlschreiber lakah hian awlsam takin a chak bik lo va, Set hnihna chu a hloh ve a. 6-4 3-6 6-1  in a chak a ni.

    Grand Slam-a vawi 20 champion tawh Federer hi kum 37-a upa a ni a, Kohlschreiber nen hian vawi 14 an intumna a ni a, a la chak vek a ni.

    Federer hian nikum October thla khan Swiss Indoors-ah champion-in ATP title 99 a la tawh a. Tunah hian a title 100-na tur atan a bei leh mek a. A ropuizia kan hria a, title 100-na hi a la thei a nih ngat chuan a ropui zual ngawt dawn a ni.

    Federer hi tunah hian world number 7 a ni mek a. ATP title lak tam lamah American tennis star ropui Jimmy Connors chiah a la pha lo va. Connors hian ATP title 109 a la tawh a. Federer hi kum 37 a ni tawh a, 100 pawh a la la tling lo va, Connors-a record hi chu a nihrual pha dawn lo niin a lang.

    Hetih lai hian Federer hi Dubai-ah hian vawi 8 champion tawhin, off-season laia a training-na \hin a ni.

    Federer hian kum 2016 a\ang khan clay season chhung chu tennis a khel lo va, kuminah erawh a khel dawn tih puan a ni a. A che \ha chho leh thut a nih chuan title 9 vel hi chu kum khatah a la thei tih a chiang a, mahse, a tar ve deuh tawh a ni.

    No comments

    Post Top Ad

    Post Bottom Ad