• Breaking News

    Talent Club Heritage Award 2019 sem a ni ta

    Rody H Vanlalhriatpuii

    Talent Club Heritage Award 2019 chu Feb.14 (ningani) tlai dar 5:00 khan Heritage Hub, Falkland-ah sem a ni a, mi 24-te Wall of Fame-ah lawmluh an ni.

    Mizo pa lar leh hmingtha tak tak ten award hlanin hemi rual hian kum 2015-a Mizo Wall of Fame-a tel tawh mi 4, boral tate sunna hun hman a ni bawk.

    Kum 2015 khan a tum khat nan Heritage Lounge, Falkland-ah Mizo Wall of Fame thlangin mi 20 hnenah Award hlan an lo ni tawh a, chung awardee zinga boral tate - Laikunga Hmar, Laidailova Pachuau, R.Lalremruata (Parema) leh Michael M.Sailo te an ni sunna hun hmangin an pual hian Chuailo Choir-ten Lal nunmema kiangah tih hlah mawi takin an rem.

    Talent Club Heritage Award 2019 semna inkhawm hi Varsangzuali Varte-in hneh takin a kaihruai a, VL Sawma, Organising Committee member chuan welcome speech sawiin Chuai lo (Evergreen) zaipawlten 'Aw Nang Kan Lal Kan Pathian' tih hla chu programme hawn nan an thlawh a.

    Pu Lalhmingthanga chuan hunserh hmangin Talent Club Heritage Award bul tumtu Ruth L Hrangchal chuan Pathian malsawmna nasa tak a dawn atang leh mi thahnemngai thawhpui a neihte nen tangkawpa Talent Club Heritage Award 2019 sem a ni thei dawn ta chu lawmawm a tih thu a sawi a. Mizoten kawng hrang hrangah talent tha tak kan nei a, nasa zawka phochhuah a nih theih nan leh Mizoten sang zawk kan thlen zel theihna tura min fuih phurtuah he award hi hmang thei ila a lawmawm takzet ang a ti.

    Talent Club Heritage Award 2019 dawngtute hi mi chi hrang hrang an ni a, sports lama mi hmingtha, India mai ni lo khawvel huapa hmingchherte an awm nawk. Tin, eizawnna leh hnathawhna lama hlawhtlingte, kawng hrang hranga Mizo zinga sulsutu leh ram hruaitu thlengin an kim hle.

    LPS Youth Icon hmasa ber leh tun tum Wall of Fame-a lakluh thar Zoramchhani chuan "Min hruai zel thin" tih hla mawi taka sain award dawng tura thlan leh semtu turte kim takin an kal vek thei a, awardee-te hian citation dawngin an thlalak leh award dawn chhante bangah mawi taka tarsak vek an ni.

    Award dawngtute -
    1. Jeremy Lalrinnunga - India Weightlifter (Olympian)
    2. Lalremsiami - India Hockey player (Olympian)
    3. NT Lalbiakkima - Star Boxer
    4. S. Malsawmtluanga - Football Star
    5. Malsawma Khiangte - Outstanding Coach (Weightlifting)
    6. Samuel Lalrozama Hmar - Star Referee (MMA & Muaythai)
    7. Rody H Vanlalhriatpuii - Beauty queen
    8. Joseph Vanlaluapa - Young Entrepreneur
    9. Zoramchhani - Iconic Singer
    10. H. Rotluanga - Star Entertainer
    11. Leitlang Pictures - Best Production Team
    12. H. Lalrinfela - Legendary Writer
    13. R. Vanrammawii - Exceptional Achiever
    14. Muanpuii Saiawi - Exceptional Achiever
    15. Meriam L Hrangchal - Woman Entrepreneur
    16. Grace Lalrindiki Pachuau - Inspiring Woman
    17. Jimmy L Pachuau - Outstanding Entrepreneur
    18. Lalthanhawla - Iconic Leader
    19. Aizawl FC- Football Heroes“
    20. Sawmliana Chhangte - Exceptional Achiever
    21. Zonunsang Handloom - Mizo Handloom Promoters
    22. Mizo Culture Organisation - Mizo Heritage Promoters
    23. Hnam Chhantu - Mizo Handicrafts Promoters
    24. Mizoram Environment & Forest Consultative Forum - Preservers of Mizoram Environment

    No comments

    Post Top Ad

    Post Bottom Ad