• Breaking News

    Statue of Unity pan tur Rel

    Raiways ministry chuan India ram Home Minister hmasa ber Sardar Vallabhbhai Patel-a lim - Statue of Unity en leh tlawh duhte kalna tur bik a tlantir dawn.

    Thla nga liamta khan he Statue of Unity, khawvela milim sang ber ni ta hi Prime Minister Narendra Modi chuan a hawng a. A hawn a\anga thla nga hnuah he milim tlawh duhte chuanna tur bik rel service chu tlantir a nih dawn thu puan a ni ta a ni.

    He rel service hi sorkar laipui Bharat Darshan scheme hnuaia tlantir a ni dawn a. March ni 4 a\angin a tlan \an ang a, Chandi-garh a\anga kal tur a ni dawn a. Ni riat leh zan sarih chhung a zinkawngah hun a hmang dawn a ni.

    He rel zin kawngah hian biakzina kalte tana hmun tlawh tur - Mahakaleshwar Jyotirlinga, Ujjain, Madhya Pradesh, Omkareshwar Jyotirlinga, Indore, MP, Shirdi Sai Baba Darshan, Trimbakeshwar, Nashik, Maharashtra, leh Ghrish-neshwar Jyotirlinga, Au-rangabad, Maharashtra-te a tlawh dawn a. Chandigarh a\anga Statue of Unity awmna, Gujarat thlen nan hian mi pakhat tan chuan man Rs 7,560  a ni a. Chandigarh, Ambala, Kurukshetra, Karnal, Panipat, Delhi Cantt, Rewari, Alwar leh Jaipur a\ang pawhin a chuan \an theih bawk ang.

    He rel hi Vadodara-ah a ding ang a, chuta \ang chuan Narmada Dam, Gujarat-a Sadhu Bet chu Statue of Unity bus hmang-in an pan leh dawn a ni.

    Statue of Unity hi 182 metres zeta sang niin, khawvela statue sang ber a ni.

    No comments

    Post Top Ad

    Post Bottom Ad