• Breaking News

    Shoplifters-in nomination 13 hmu

    Hirokazu Kore-eda film siam, Palme d'Or dawng tawh Shoplifters (Manbiki Kazoku) chu Japan Academy Prize-ah nomination 13 zet hmuin film langsar ber a ni.

    He film hi Iscar awards atan pawh ‘Best Foreign Language’ category-ah nominate a ni. He film hian Japan Academy Prize-ah hian best picture, director, screenplay, actor (Lily Franky), actress (Sakura Ando), supporting actress (the late Kiki Kirin), music, sound, cinematography, production design, lighting leh editing-ah te nomination a hmu vek a, pui tak a ni.


    Shoplifters ang deuh bawka film lar pakhat a awm a. Chu chu Blood of Wolves niin, he film-ah hian Koji Yakusho (Memoirs of a Geisha) changin, ani hi detective pa zet lemah a chang a ni.
    Blood of Wolves hi Kazuya Shiraishi direct niin, Yuko Yuzuki novel, Blood of Wolves behchhana an siam a ni a. He film hian nomination 12 zet a hmu ve tho va. He film hian fak a hlawh hle a, Japan box office-ah pawh dollar maktaduai 6 a hmu chhuak tling tawh a ni.


    Japan Academy Prize-ah hian Recall (Soratobu Tire) pawhin nomination 9 a hmu bawk a. Hei hi kum 2002 a thil thleng, Mitsubishi truck tyre tla-in nu pakhat leh a fa a delh a, a nu a thi a, a fa a hliam chungchang behchhan deuha siam a ni a, TV drama series lam a pawl mah mah thung.

    Japan Academy Prize vawi 42-na hi March ni 1 hian Tokyo-ah sem a ni ang.

    No comments

    Post Top Ad

    Post Bottom Ad