• Breaking News

    Sanitation Committee-te kutah Rs. 10000/- theuh hlan

    with Sanitation Committee
    Kawnpui Dt. 28th Feb., 2019  : Nimin khan SDO (C) Conference Hall-ah SDO (C) hovin veng tin Sanitation Committee te, VCs, YMA Branch, SDEO leh PHE aiawhten Meeting an nei a, Bawlhhlawh paih dan tur chungchang an sawiho a, veng tina Sanitation Committee ten Faina kawnga hmalakna an atana an hman hmasak tur Rs. 10000/- theuh pek an ni bawk.

    SDO (C) Pi Lalhruaitluangi MCS chuan Faina kawnga hma kan lak tawh chuan hnungtawlh emaw chawlhsan a theih tawh lova. |an mar pât a ngai a ni. Thil thar a awm reng reng hian sawiseltu leh eptu hi chu an awm ngei ngei a, a harsatna lam kan thlir chuan a tam lutuk a, chuvang chuan a hlawhtlin theihna tur lam chauh ngaihtuahin theihtawp chhuah ila, kan \hatpui mai a ni a ti.

    Meeting-ah hian veng tin Sanitation Committee atanga Donation luh theih zat turte tarlan a ni a, chuta \ang chuan Bawlhhlawh paihna tur Motor hman nan Tender koh nise tih a ni a, Tender hi VC inthen angin Route thumah then a ni a, Route II bikah veng mal chauh awmna VC- II (Chhimveng) leh Bualpui dah kawp a ni a, Route I-ah VC III huam chhung  Vengthar, Banglaveng leh Kanan te an awm a, Route III ah VC I Area Hmarveng leh Venglai an awm thung a ni.

    Bawlhhlawh hi kartin Thawhlehni leh Inrinni-ah paih thin tur a ni a, tender  hi Dt. 5.3.2019 (Thawhlehni) dar 5:00 PM thleng hawn a ni a, hemi chhung hian SDO (C) Office-ah Tender Form, Route chungchang leh Terms & Condition leh thil dang hrechiang duh chuan ngaihven theih a ni a. tender chhanna hi Dt. 7.3.2019 (Ningani) dar 11:00AM ah hawn a ni ang.

    He Meeting-ah hian Hortoki kawng Zawngek lui leh Chhimluang chhehvela huan neitute hnen atanga Complaint lut pawh ngaihtuah ho a ni a, VCs te chuan Dumping Ground awm hnuah an paih ngai tawh loh thu sawiin, mimal paih thin an awm chuan ven a ngaih tur thu an sawi bawk a. SDO (C) chuan order a siam tur thu a sawi bawk a ni.

    Swachh Bharat Mission (Urban) pawisa chu veng tina Sanitation Committee te hnenah Cleanlines drive atana an hman atan Rs. 10000/- theuh pekchhuah nghal a ni a, Kanan veng bikah chuan Sanitation Committee-ah buaina a awm avangin hemi venga hman atan hian VC-III kutah Rs. 5000/- hlan a ni. SDO(C) chuan a thawk \ha te chu an la pek belh zel tur thu a sawi bawk a ni.

    Sanitation Committee te hian an pawisa hmanna Bill/Voucher te leh an chetvelna Thlalak te chu SDO (C)-ah hian an thehlut leh dawn a ni.

    No comments

    Post Top Ad

    Post Bottom Ad