• Breaking News

    Russia ram Bollywood film festival-ah Zee an tel ve dawn

    Kum eng emaw zat chhung chu Russia rama Bollywood film tihlarna atana siam Bollywood Film Festival Russia (BFFR) chu kalpui a lo ni  tawh a. Mahse, India ram film industry a\angin tuipuitu lian tham an awm \hin loh avangin an tilian tak tak thei lo va. Mahse, kuminah hian India rama lemchan thiam langsar zinga mi, TV actor Karanvir Bohra (Qubool Hai serial-a chang) leh Barun Sobti (Iss Pyar Ko Kya Naam Doon serial-a mi) te chuan an hmanpui a. He Festival hian mipui hlut a hlawh phah hle ni-a sawi a ni.

    He Festival hi January ni 30 khan neih a ni a. Moscow khawpuiah, khaw vawt lutuk hnuaia neih a nih avangin boruak a hot mawh hle a ni awm e. Mahse, kum thar a\ang chuan boruak a hot chho viau dawn niin a lang a. ZEE TV Russia chuan nasa lehzual zawkin he Festival hi a pui dawn a ni.

    Kumin Festival kha India Ambassador to Russia DB Venkateshwar Varma chuan hmanpuiin, khawnvar chhiin a hawng a. Zee TV Russia-a Sr. Programming Manager Ms Anna Lyubimova chuan Festival-a telte lawmna thu a sawi a ni.

    He Festival hi Moscow-a an hawn hnuah khawpui hrang hrang 8 laiah an hmang chho va. Tun thla ni 3 khan an zo chiah a. Kumnah hian film hrang hrang an chhuah zingah Sui Dhaaga, Made in India, Udta Punjab, 5 weddings, Rock-star, Bajirao Mastani leh Rab Ne Bana Di Jodi-te a tel.

    Kum tharah chuan he Festival hi Zee TV Russia chuan nasa zawka puiin, India ram a\ang pawha en theih turin hma an la dawn ni-a sawi a ni a. Chu bakah India ram audience-ten hmuhnawm an tih dan tur zawngin programme pawh ruahman a ni chho dawn an ti bawk a. Ram hrang hrangah India film a inzar pharh chho zual zel a ni ber mai e.

    No comments

    Post Top Ad

    Post Bottom Ad