• Breaking News

    Ruihhlo ngaite dinhmun

    Mizo \halaiten ruihhlo kan hmelhriat \an a\ang khan Ruihhlo ngâite ngaihsak leh enkawl kan inzirtir nghal a. Zirtirna dawng tam viau tawh mah ila a sawt vak lo, addict an pun belh a, addict tawh sa zingah sim hmak thei chu tlemte an ni si.

    Mizoram Sawrkar thar pawhin ruihhlo ngâite hi a rawn vei thuai a, tihdam tumna leh enkawlna tur kawng an dap chak hle. Sawrkarin heti taka ruihhlo ngâite a rawn ngaihsak hi thil lawmawm tak a ni.

    Ngaihsak loh dawn a, ngaihsak ngai ni si, ngaihsak viau chung pawha sawt thei mang der lo a ni a. Buaithlak tak a ni.

    Mi thenkhat chuan heng mite hi eng amah hmaa thiam loh chantirin ‘An duh thu-a addict an nia lawm’ tih ngaihdan khauh ang reng tak an nei a. Ngaihsak ngai pawh an ti vak lo.

    Mahse vawiina addict ve lem lo, ruihhlo laka fihlim inti te pawh hian Ruihhlo ni lo, thil dangah chuan ngaihsak leh tanpui kan mamawh ve viau tho a. Tanpui kan mamawh dan a inang lo mai a ni. Chuvangin, ruihhlo ngâi mek te hi thiam loh chantir nghal ngawt tur an ni lo.

    Mithiamte chuan ‘damlo’ an ni e, an ti \hin. An sawi dik khawp mai. Kan chhungkua-ah damlo an awm chuan kan ngaihsak vat a, tihdam thuai kan tum. Chutiang chiah chuan kan chhungkua-ah addict lo awm ta se, ngaihsak vat an ngai ve tho.

    Vawiinah erawh chuan addict te hian hmuhsit leh endawng chiah an hlawh niin a lang. Mi zinga awm nuam an ti lova, mi pawhin kawm an chak hek lo. Mitin hian rinhlelhna mit nen kan thlir a, an ru ang tih kan hlau a, dawt an sawi niin kan ngai tlat bawk a. Hetiang em ema kan tualzâl nuna addict te kan hnualsuat ta mai hi keini pawhin kan tidik bik dawn emaw ni le?

    Ruihhlo ngâi te dinhmun hi hriatthiam sak i tum ang u. Damlo angah ngai ila, an dam theih nan chhungkua kan buai ang hian buaipui ang u. Anmahni tawka sim tura kan ngai leh an kuta kan dah mai hi chu kan tisual deuh a ni.

    Anmahni tanpui dan zawng ila, tidam turin chhungkua-in theih tawp chhuah ila. Ruihhlo ngaite hi kan chhanchhuak thei hlawm ngei ang.

    No comments

    Post Top Ad

    Post Bottom Ad