Romania-in Czech Republic hnehin Fed Cup semi-final an lut

Romania chuan Fed Cup World Group semi-final an vawi khat luhna ni turin quarter-final-ah cham -pion lai Czech Republic chu anmahni mual, Ostrava -ah ngei 3-2 in an hneh.

Ram pahnihte 1-1 a an inhnehtawk laiin world number one hlui ve ve inkhelah Simona Halep chuan Karolina Pliskova chu hnehin Romania chuan 2-1 in hma an hruai a. Katerina Saniakova chuan Mihaela Buzarnescu hneh-in 2-2 a ni leh a. A tawpah, Irina-Camelia Begu leh Monica Niculescu-te \angdun chuan Siniakova leh Barbora Krejcikova te \ang dun chu 6-7 (2-7) 6-4 6-4 a hnehin Romania an chak ta zawk a ni.

Halep hian tennis a chawlhsan hma ngeiin Romania ram chu Fed Cup-a champion-pui a tum thu a sawi a, semi-final chu an lut ta phawt a, kuminah hian champion thei tak ang maw?

France, Australia leh Belarus pawhin semi-final an lut a. France hian Belgium 3-1 in an hneh a. Belarus hian 4-0 in Germany an hneh ve thung a. Quarter-final hnuhnung berah Australia chuan United States chu 3-2 in an hneh ve bawk.

Semi-final-ah hian Romania leh France an intum ang a, Belarus leh Australia an intum ang.