• Breaking News

    Ramos an hrem mai thei

    Real Madrid
    Sergio Ramos chu Uefa chuan Champions League last 16 first leg-a Ajax nen an inkhelh \umin yellow card a hmuh luih avangin thubuai an siamsak

    Real Madrid-in 2-1 a Ajax an hnehna inkhelah khan Ramos hian minute 89-naah Kasper Dolberg chu a pet lui a, chu chu second leg-ah a khelh theih loh phah dawn a. Uefa danah competition khata yellow card pathum an hmuh chuan next match khel thei lo tur a ni a. A hmain yellow card vawi hnih a hmu tawh a. Last 16 second leg-ah hian Real hian Ajax hi an mikhual dawn a; hetah hian an chak ngei a rinawm sa tawh a. Chuvangin Ramos hi chhawr lo mah se Real hi an buai a rinawm lutuk loh va. Yellow card pahnih hmu reng khan awm se, Quarter-final velah khel thei lovin a awm palh thei a. Chu ai chuan pathumna hmuh law law a, second leg, an chak ngeina tura lang khelh phak loh va, hremna tawrh a, quarter-final a\anga card hmuh sa nei tawh lova khelh chu Ramos hian a rilruk niin a lang a. Amah pawhin chu chu a rilruah a awm tih a sawi a, “Yellow card kha ka hmu lui lo ti ila chuan dawt ka sawi a ni ang,” a ti a. Hemi avang hian thubuai siamsak a ni ta a, vawiin hian a thubuai hi an sawi dawn a ni.

    Ramos chuan a hnuah a thusawi chu siam \hain, “Foul kha a loh theih tawh lo va, ka foul lui a ni. Yellow card erawh kha chu hmuh kher ka tum lo. Minute 88-na a ni tawh a, ka foul loh chuan goal chhuah leh theih kan ni a, ka foul lui a ni,” a ti a. A yellow card hmuh avanga a hnu zela amah leh Real tana \ha tur lam ngaihtuah lo ni awm takin a sawi a, mahse, Uefa chuan a thu-sawi hnuhnung hi an awihsak tawh lo a ni.

    Uefa dan hnuaiah chuan player chuan tihluih-na avanga card a hmu lui a nih chuan game 2 khel thei lova, chu chu Ramos hian a hmabak  a ni.

    No comments

    Post Top Ad

    Post Bottom Ad