• Breaking News

    Rambo film siamtu Vajna a boral

    Andy Vajna, Rambo film hrang hrang siamtu (producer) chu kum 74 mi niin a thi.

    Vajna hi Rambo film siamtu a nih mai bakah Hungary ram cinema indus -try chawi liantu, Govern-ment film Commissioner ni thei niin, Hungary ram khawpui Budapest-a a chenna inah Chawlhni khan a thi a ni.

    Hungary National Film Fund chuan Vajna thih thu hi an sawi chiang a. A that lai chuan American-hovinan duhthusam ang takin a nung an tih thin khawpa pa neinung leh che fuh a ni a. Kum 12 mi a nihin Hungary ram a chhuahsan a. US leh Hong Kong-ah sumdawnna hlawhtling tak tak a bei chho va. Thlalakna dawr lian a nei a, movie theatre eng emaw zat a nei bawk a. Lebanon--a piang Mario Kassar nen kum 1976 khan Carolco Pictures (Film producing company) an din dun a. An film siam hmasak ber chu The Sicilian Cross niin, he film hi Italian film a ni a, 1976 khan an tichhuak a, a changtupa chu Roger Moore a ni.

    Film eng emaw zat an tichhuak a, an lar hleithei lo va. 1980 khan Warner Bros hnen atangin dollar 383,000 in David Morrell-a lehkhabu First Blood film-a siam phalna a lei a. Sylvester Stallone chu John Rambo lemah a chang a. First Blood siam nan khan dollar maktaduai 14 an mhang a, dollar maktaduai 125 a hmu chhuak thung a, Hollywood pa lar ber an ni dun thuai a. A hnuah pawh film lar tak tak - Angel Heart, Red Heat leh Total Recall etc te an siam a ni.

    No comments

    Post Top Ad

    Post Bottom Ad