• Breaking News

    Rajya Sabha-ah ro an rel thei lo CAB pharh a ni lo

    Nimin khan Rajya Sabha-ah Citizen (Amendment) Bill 2016 chu pharh a ni dawn tih thawm a ring viau a. Mahse, member-ten thil hrang hrang avanga au buaia rorel thei lova House an siam avangin Parliament Budget Session a ni tawp-na ber dawttuah chuan rorel thei lovin an awm niin The Hindu chuan an sawi.

    Upper House of Parlia-ment-ah hian ro rel theih a ni lo va. Leader of Oppo-sition Ghulam Nabi Azad  chuan President thusawi leh interim budget sawiho a duh thu a sawi a. Union minister Vijay Goel pawhin thil hrang hrang pawimawh tak tak sawi tur an la neih avangin session chu pawh sei mai a rawt bawk.

    Nimin khan Rajya Sabha hi vawi thum an chawl lailawk a, an luh leh apiangin buaina chu a ngai te bawkin a chhuak zel a, a tawpah chuan Chairper-son M Venkaiah Naidu chuan nileng atan a titawp ta ringawt a ni.

    Hetiang a nih avang hian sawi hlawh leh mi ngaihven  Citizenship (Amendment) Bill pawh pharh a ni ta lo.

    National Democratic Alliance sorkar chuan International Financial Services Centre Authority Bill, 2019 leh the Cinemato -graphy (Amendment) Bill, 2019 te an chhawp chhuak hman a, hengte pawh hi sawiho a ni ta chuang lo a ni.

    Nimin khan Lok Sabha lamah pawh Question Hour an nei zo chiah tihin minute 20 chhung an chawl leh phawt a. Congress member-te chuan Rafale jet lei chungchangah sorkar an au buai a, he thubuai hi chhui turin joint parliamen-tary committee din an phut a. House chhungah thuziak te keng langin an au buai a. Lok Sabha Speaker Sumitra Mahajan chuan Congress member-te chu kalphung pangngai pela kal ni-a sawiin, Rafale deal chu an sawiho mek tiin a au a, mahse, eptu lam hian an ngaithla lo a, an au buai nuaih nuaih a ni.

    No comments

    Post Top Ad

    Post Bottom Ad