• Breaking News

    R Kelly bail-na atan dollar maktaduai khat

    rapper
    US judge chuan mipat hmeichhiatna thila hmeichhe pali laka thubuai nei mek R Kelly hcu a bail nan dollar maktaduai khat a tuksak.

    R Kelly hi R&B star niin, a hming dik tak chu Robert Sylvester Kelly a ni a. Hmeichhe laka mawi lo taka che \hin leh hmeichhe kum tling lo mutpui \hina puh a nihna hi kum sawm chuang a ni tawh a. Mahse, vawi khat mah thiam loh changin taninah tantir a la ni ngai miah lo thung a. Tuna a case neih laiah pawh hian amah puhtu hmeichhe pali zinga pathum hi chu kum tling lo an ni.

    Sorkarin manna thupek a chhuah hnuah Kelly hi Zirtawpni khan police hnenah a inpe a. A chungchang ngaihtuahtu judge chuan chhuah lailawk a nih theih nan dollar maktaduai khat a tuksak a. Hemi bakah hian a pass-port chhuhsak a ni a, hmei-chhia, kum 18 aia naupang tu mah ber pawp lo turin tih a ni bawk.

    Kum 52-a upa R Kelly hi hmeichhe \hahnem takin  sex a hmanpui lui (a pawngsual) niin an sawi a. Hei hi nikum khan documentary - Surviving R Kelly tihi an siamah tarlan a ni a. Hetah hian ama nupui hlui ngei pawhin a puh hmingchhe tel a ni.

    Inrinni-a a chungchang ngaihtuahna court-a hotupa ber John Fitzgerald Lyke Jr chuan maktaduai khata in-bail turin a hriattir a ni. He judge hi kar hmasa lama lemchan thiam Jussie Smollett thubuai ngaihtuah tu tho kha a ni a. Smollette hian intihlar a duh vangin amah hawtute thiltih ni awm takin amah ngeiin thu dik lo a vawrh darh a ni.

    Kelly hi Inrinni chawhnu lam khan court-ah a inlan a. A khingtute hi hmeichhe 4 ni mah se, a thubuai erawh 10 lai a ni thung a. Mipat hmeichhiat na kawnga tharum thawh leh rawng taka thilti \hinah puh a ni a. A thubuai pakhat phei chu hmeichhe naupang kum 14 mi nena sex an hmang dun lai video pawh awm ngei a ni nghe nghe niin Associated Press chuan an tarlang a. Kum 2008 daih tawh khan hetiang deuh chiah thubuai ah hian Kelly hian mak tak maiin thiam a lo chang tawh a ni.

    Hmeichhe pakhat, a sex hmanpui laia kum 16 mi pawhin a autograph a dil chu hmang \angkaiin sex a hmanpui niin a puh a. Mi dang pakhat pawhin a kum 16 tlin lawmna, hotel-a an hmanah Kelly hian rawn hmuin a pawngsual tiin a puh a ni.

    Cook County State Attorney Kim Foxx chuan Kelly hian a lo berah kum 7 tan a hmabak a ti.

    No comments

    Post Top Ad

    Post Bottom Ad