• Breaking News

    PSG lakah Manchester United an zawr; UCL-ah beiseina a chuai?

    Manchester United vrs PSG
    Manchester United chuan Champions League-ah hna hautak tak an hma-chhawn a. Old Trafford-ah an mikhual Paris St-Germain chu si hnih faiin an lo hneh lo va. An thiampui pa Paul Pogba hnawh chhuah a ni bawk a. Second leg chu France rama an khelh dawn avangin United tan hian Champions League-ah beiseina a chuai deuh der tawh a tih theih.

    Old Trafford-a inkhel-ah first half-ah goal a lut lo va, second half-ah PSG tan Presnel Kimpembe leh Kylian Mbappe te chuan goal an khung a. Minute 89-naah yellow card pahnihna a hmuh avangin Pogba chu hnawh chhuah a ni zui a, second leg a khel ve thei dawn lo a ni.

    Ole Gunnar Solskjaer hnuaia game 11 an khelha game 10-a chak thei United hi an phur vanglai a ni a. PSG tan an thiam pahnih Edinson Cavani leh Neymar te an khel thei lo bawk a, chak an inring hlein a rinawm a. Mahse, PSG lakah hian team naran an ni a. European compe-tition-ah an home-a goal 2-a chak loh an neih ngai loh chu nawt rehin, si hnih faiin an chak lo ta si a. March ni 6 a Paris khawpuia an inkhelh hunah an hna a hautak dawn khawp mai.Champions League quarter-final lut turin beisei a sang thei tawh lo.

    United hian first half-ah inhliam avangin Jesse Lingard leh Anthony Martial te an la chhuak a.  Hetih lai hian PSG hian Neymar leh Cavani-te awm loh lang miah lovin United tlar hnung an chhaih buai reng a. United player hlui, an hman thiam loh avanga an hralh leh tak Angel Di Maria chuan United fans auelna karah a khel \ha chungchuang hle a. He inkhela goal hnihte hi a siamsak ve ve a ni.

    Solskjaer-a hnuaia an chaknate hi Mourinho kha la awm se chuan an chak kher lo vang tih tur ni mah se, a nihna takah chuan chakna awm tak tak vek a ni a. An \hat tak takzia lantirna tura hun \ha hmasa berah PSG lakah an tlawm chiang hle thung a. An player hlui Di Maria chu United hian an ngam lo a tih theih a. British record fee-a an lei, mahse, Old Trafford-a che \ha thei lo Di Maria hi Thawhleh zan Old Trafford-a player \ha ber a ni hial ang. Inkhelh banah PSG fan-ten Di Maria hi standing ovation an pe hial.

    Llingard leh Martial an inhliam a, United harh thar lehnaa player pawimawh pahnih an ni a, an hliam hi a nat viau a, an khelh loh rei vaih chuan United tan hian a pawi thei. Pogba hnawh chhuah a nih avang -in second leg-ah United an chhe sawt dawn tih a chiang a. Mahse, Solskjaer chuan, “Tlang lawn tur kan nei sang a, mahse, he inkhel hi a la zo lo va, tun aia \ha hian kan la khel thei,” a ti \ang \ang a. PSG boss Thomas Tuchel chuan, “First half-ah ball kan hloh ngun a, second half chu kan khel \ha e,” a ti.

    No comments

    Post Top Ad

    Post Bottom Ad