• Breaking News

    Prajnesh Gunneswaran a kal zel

    Indian Tennis Star
    India mipa tennis thiam Prajnesh Gunneswaran chu ATP ranking tihchhuah tharah 94-na niin, a ranking san lai ber a ni mek.

    Kum 29-a upa Gunnes -waran hi Association of Tennis Professionals (ATP) rankings tihchhuah tharah hian 29-na a ni tawh a. A hma pawhin top 100-ah chuan lo lang tawhin, India mipa player zinga top 100-a lang thei pathumna niin, Somdev Devvarman leh Yuki Bhambri-te hniak hnung a lo zui tawh a ni.

    Gunneswaran hian nikum khan a khel \ha hle a, kuminah hian chu a chet \hat chu chhunzawm zelin, Inrinni mai khan ATP Bangkok Challenger -ah semi-final a lut a, 6-7 (2-7), 6-3, 6-7 in Australia player James Duckworth a hneh lo a ni.

    Hetih lai hian India star tho Ramkumar Ramana-than chu a hmaa a nihna aia hniamah, 137-naah a tla thla thung a. India number one hlui Yuki Bhambri  pawh a tlahniam zel a, 171-na a ni mek.

    Hetih lai hian Saketh Myneni leh Sasi Kumar Mukund te an rawn kaisang ve hret hret thung a. Myneni hi 250-na a ni a, Mukund pawh 269-na a rawn ni ve ta bawk.

    Mipa doubles ranking-ah veteran star Leander Peas chu a hma aia hmun hniha sangah chhovin, 73-na a ni e. Rohan Bopanna chu 38-na a ni a, Divij Sha-ran chu 39-na a ni bawk.

    Hmeichhe lam, Women Tennis Association (WTA) ranking-ah Ankita Raina chu India number one a ni zel a, 164-na a ni.

    No comments

    Post Top Ad

    Post Bottom Ad