• Breaking News

    Politics boruak reh tawh se

    Hunpui pakhat, Election chu kan lo hmang zo ta a. Kan nunphung pawh a pangngai-ah let tum tawh ila. Campaign boruak leh Politics boruak chuan min liam san hret hret tawh ang a; mipuite pawhin kan nitin hna pangngai kan zawh leh tawh turah ngai ila.

    Nimin maiah nasa takin Vote zawngin kan hmanhlel a; vote kan dil a; rilru zawng zawng kan seng a ni. Vawiin ah hian Politics la ngaihtuah chhunzawm zel hian sawtna a nei tawh lo a; \ulna a awm tawh hek lo.

    Campaign hun lai kha chuan \hian\ha te pawh kan inbe hman meuh lo a; min vote lo tur nia kan ngaih te kha hmelma en deuhin kan en a; \an an lak nasat deuh phei chuan kan thin a rim let hial zawk a ni. Kan beisei loh dan deuha an awm phei chuan rilru tawt takin kan thlir a; an chungah kan lawm lo lek lek zawk.

    Mahse tunah chuan khang hun zawng zawng kha a liam zo tawh a; Politics avanga kan inhmelmakna leh kan inenhranna zawng zawng hi kan tih reh nghal loh chuan khawlang nunah thil pawi tak leh \ha lo tak a awm chhunzawm thei.


    Campaign hun lai kha chuan kan rilrem loh zawng pawh a awm mai thei. Lunghnurna pawh kan nei mai thei. Kan hriat zui loh a \ha hle. Politics avanga helhkam kan neih kha tihreh kan tum loh chuan rilru chhe zawk a lo \hanglian ang a; midang zawng zawng an Inrem vek tawh hnu-ah pawh Lungrual hauh lovin kan awm zui dawn tihna a ni.

    Vawiin a\anga Politics boruak kan tih reh theih chuan mi puitling kan nihna kan lantir tihna a ni ang a; entawn tlak nun nei kan nih kan inpholang tihna a ni bawk ang.


    Kan rilru ah Politics boruak tih reh kan tum loh chuan a tuartu chu keimahni bawk kan ni ang. Rilru-a ngaihtuah zui theih thil tam tak awm mahse Election a zo tawh a; Politics lam hawi reng reng theihnghilh i tum tawh ang u.

    Eizawnna kan ngaihtuah a ngai a; sum leh pai thawhchhuah dan tur kan ngaihtuah a ngai a; ei leh bar tur kan ngaihtuah a ngai a. Thil kal liam tawh Politics thila chambang reng thei kan ni lo e.

    No comments

    Post Top Ad

    Post Bottom Ad