• Breaking News

    PM thilpek lilam a ni

    Prime Minister's Office (PMO) chuan Prime Minister Narendra Modi-a’n a zinna hrang hranga thilpek a dawnte chu an lilam a. Heta \anga pawisa an hmuh chhuate hi a zat sawi a awm lo naa, Ganga luipui tihthianghlimna atana hman turin pek vek a ni dawn tih an sawi.

    PM thilpek dawn chi hrang hrang 1800 zet chu he lilamnaah hian hralh a ni a. January thla a\anga an lilam tawh kha niin, online hmanga lilama a ni a. Pawisa an hmuh chhuah zawng zawng zat puan a ni lo na a lilamtu National Gallery of Modern Art (NGMA) chuan kuta siam, thing hmanga bike lem siam chu cheng nuai 5-a hralh a ni tih puan a ni.

    Hemi bakah hian PM Modi-a railway platform-a a awm lai lemziak nalh tak pawh cheng nuai 5-a hralh a ni bawk a. Lord Shiva lim te reuh te, Rs. 5000 a an lilam \an chu an hralh meuh chuan cheng nuai 10-in an hralh daih niin PMO chuan thuchhuah siamin an tarlang bawk.

    An hralh to ber chu Ashok Stambh niin, a tira an chhiarna zat chu Rs. 4000 chauh a ni a, cheng nuai 13-in an hralh a. Gautam Buddha lim tê pawh Rs. 4000 a\anga chhan \an tura an tih chu cheng nuai 7-in hralh a ni bawk.

    PM Modi hian Gujarat CM a nih lai a\ang tawh khan hetianga thil pek a dawn hrang hrang lilam hi a lo chin \han a ni.

    No comments

    Post Top Ad

    Post Bottom Ad