• Breaking News

    PM Modi-a hnenah South Korea chawimawina sang

    Prime Minister Naren-dra Modi chu nimin khan 14th Seoul Peace Prize semna inkhawmah he chawimawina hlu tak hi hlan a ni.

    PM Modi chuan Seoul Peace Prize a dawn ruala thu a sawiah, “He award hi ka ta a ni lo a, India ram mipui zawng zawng dawn a ni. Kum nga chhunga India hlawhtlinna hrang hrang hi mipui inpekna, tuina leh thahnemngaihna vang a ni. Anmahni aiawhin he chawimawina hi lawm takin dawng a ni,” a ti.

    He award hian dollar 2,000  a keng tel a, hei hi sorkar laipuiin Ganga luipui then thianghlim hna a thawh mekna - Namami Gange Programme-a hman atan dah hran nghal a ni ang.

    Seoul Peace Prize hi South Korea sorkar chuan PM Modi-a hnena an hlan chhan chu khawvel huap inlungrualna leh \han zelna bakah mihring hmasawnna atana a thawh \hat vang niin an sawi.

    PM Mod chuan, “Mahatma Gandhi pian-cham vawi 150-na kan lawm kum taka he chawi-mawina ka dawng hi ka lawm takzet a ni,” a ti a. “Seoul Peace Prize hi kum 1988-a Seoul-in hlawhtling taka 24th Summer Olympics an thlen hriat reng nana an siam a ni a, he game hi Mahatma Gandhi pianchamah tak a tawp nghe nghe a ni,” a ti bawk.

    Kum 68-a upa PM Modi chuan he Olympics hma lawk hian firfiak pawl hlauhawm zet Al-Qaeda chu din a ni tih sawiin, “Tunah hian firfiaka chetna hi khawvel pum huapa kalpui a nih tawh avangin khawvel hmelma lian ber ani tawh a ni.

     “Hetih laia India ram \han zelna hi India mipui tan chauh a \ha lo va, khawvel pum tan a \ha a ni,” a ti bawk.

    No comments

    Post Top Ad

    Post Bottom Ad