• Breaking News

    PM-in loneitute tan Scheme thar a hawng

    PMKISAN
    Prime Minister Narendra Modi chuan nimin khan a sorkarin loneitute tana flagship scheme a duan - Pradhan Mantri Kisan Samman Nidhi (PM-KISAN) chu Gorakhpur, Uttar Pradesh-ah a hawng

    He scheme hi loneitute hnena pawisa fai pekna tur scheme a ni a. He scheme hawnna inkhawmah hian UP Chief Minister CM Yogi Adityanath pawh a awm ve a ni.

    He Scheme hnuaiah hian India rama loneitu vaibelchhe 12 vel zet hnenah, kum khatah cheng 6000 pek an ni dawn a. Hei hi vawi thum pek (instalment 3) a hman a ni dawn a, kum tina hman zel tura ruahman a ni.

    PM Modi chuan he scheme hian India rama loneitute chu phurna leh thathona a pek dawn avangin he scheme hawn ni hi India ram tan ni chhin-chhiahtlak tak a ni dawn a ni a ti a. He scheme hawn a nih leh takah hian BJP kaihhruai sorkar chuan loneitute ham\hatna a ngaihtuahzia a lantir niin a sawi bawk.

    He scheme hnuaiah hian loneitu, hectare hnih chin ram nei tawh phawt chu a huam vek dawn a. February ni 1-a Finance Minister Piyush Goyal-a’n Interim Budget a pharh khan a pharh tel a. He scheme avang hian sorkar laipui chuan kum tin cheng vaibelchhe 75,000 zet a sen belh dawn a ni.

    Nimin la la khan instalment hmasa ber, Rs. 2,000 chu loneitu vaibel-chhe khat vel account-ah thun nghal a ni tih sorkar chuan an sawi.

    He scheme hawn rual hian PM Modi chuan hawnna inkhawma tel loneitu eng emaw zat hnenah PM-KISAN scheme certificate a hlan nghal bawk a ni.

    No comments

    Post Top Ad

    Post Bottom Ad