• Breaking News

    Parliament-ah Vajpayee thlalak President-in tlangzarh

    Nimina tarlan tawh angin nimin khan Prime Minister hlui Atal Bihari Vajpayee thlalak, a dam laia amah ang tiat chiah chu Parliament Central Hall-ah tar reng tawh turin President Ram Nath Kovind chuan a tlangzarh.

    President Kovind chuan, “Atal Ji hian poltics hun rei tak a khel a, a hun tam zawk chu eptu lamah a hmang a. Chuti chung chuan mipuite mamawh a hria a, englai mahin a ngaihdan a sawh sawn ve ngai lo a ni,” a ti.

    Congress hruaitu Ghulam Nabi Azad chuan, "Atal Bihari Vajpayee hi eptu lam a sawiselna \awngkam avanga hriat reng hlawh tawh tur a ni a, mahse, eptu lamte huatna tak tak erawh a nei ngai lo,” a ti ve bawk.

    Vajpayee hi Bharatiya Janata Party (BJP) hruaitu langsar niin, India ram Prime Minister 10-na a ni a. Nikum August ni 16 khan a thi a ni.

    Kum 1924 December ni 25 khan Gwalior-ah piangin, India ram PM hi term thum a chelh a. A chelh hmasak ber chu 1996 khan niin, ni 13 chiah PM a ni hman a. 1998 leh 1999 khan thla 13 chhung PM a ni leh a, 1999 a\anga 2004 chhung khan a term a hmang zo a, a hnuah PM a ni leh ta lo a ni.

    Kum 2015 khan Presi-dent Pranab Mukherjee chuan India ram civil mi chawimawina sang ber Bharat Ratna a hlan a ni.

    No comments

    Post Top Ad

    Post Bottom Ad