• Breaking News

    Paltrow-in amah khingtu a khing lêt

    Gwyneth Paltrow chuan kum 2006 a vura tawlhna (skiing) hmuna chet sualna thleng avanga amah khingtu mit doctor chawl tawh chu a khing let ve leh hmak.

    Thla hmasa khan kum 72-a upa mit doctor chawl tawh Terry Sanderson chuan lemchan thiam Pal-trow hi Utah-a ski slope -ah fimkhur lo taka a tawlh avangin a su thlu a, a nak ruh a tliah bakah a thluak a chhe bawk ni-a sawiin, dollar maktaduai 3.1 chawi turin a khing a. Hemi chung changah hian Paltrow chuan a thiam lohna a awm lo tih sawiin, a hausakna duh vang leh a larna avanga amah khingtu niha lar ve duh vanga khingtu Sander-son hi inpuh hmingchhiatna thubuai awrhtirin, a puh hmingchhiat man dollar 1 chawi turin a khing let ve leh ta a ni.

    Sanderson hian Oscar dawng thei khawpa lem-chan thiam Paltrow hian kum 2016 February ni 26 khan vur a tawlhnaah inthunun zo lovin a hnung lam a\angin a su vak a. A tlukna lamah a intauh a, nikhaw hre lovin a awm tih a sawi a. Hemi bakah hian a hriatna a hloh a, a nakruk pali lai a tliak bawk niin a sawi a. He thil thleng avang hian ama nihna pawh inhre lo khawpin a awm niin a insawi bawk a ni.

    Paltrow chuan court-ah phek 18 zeta chhah thubuai a theh lut ve a. Hetah hian Sanderson zawk chuan a hnunglam a\angin a rawn su a, amah pawh a insawh na \helh nghe nghe a. A hnuah chuan an pahnihin an na lo ve ve tih an hriat hnuah Sanderson hi a kal sawn leh ta mai niin a sawi ve thung a ni.

    A ukil chuan, “A chhungte nen hlim takin an awmho a, khatia a hnung lam a\anga Sanderson-a’n a rawn sut takah khan zing lam chauh la ni mah se vura tleng/tawlh chu nileng atan a chawlhsan nghal nghe nghe a ni,” a ti.

    A ukil vek hian, “Hetia a rawn sut thluk a, an pahniha an tluk hnu hian Sanderson hian Paltrow hi a rawn ngaihven a. Paltrow chu a thinrim hle a, mahse, Sanderson hian ngaihdam a dil ta a ni,” a ti bawk.

    Paltrow hliam hi a nat  lo a, mahse, Sanderson hian tihhmingchhiat a tum avangin dollar khat chawi turin an khing ve ta a. Hei hian Sanderson-a’n Pal-trow hmingthanna hmanga a hausakna pawisa chhuh-sak a tum chu an ngaih-thiam loh em avanga hetianga khing let ve ta hi an ni tih an sawi bawk.

    Hetih lai hian Sander-son-a ukil Bob Sykes chuan Paltrow khin letnaa a thusawite chu thu dik lo leh phuah chawp a nih thu a sawi ve thung a ni.

    No comments

    Post Top Ad

    Post Bottom Ad