• Breaking News

    Pakistan an thukhawm nghal

    pakistan Foreign Ministe
    India-in Pakistan awp Kashmir a bomb hnu lawkah Pakistan Prime Minister Imran Khan leh Foreign Minister Shah Mehmood Qureshi-te chuan nimin khan Islamabad-ah high-level emergency meeting an ko nghal.

    PM Imran Khan hian Qureshi leh an sorkar mi pawimawhte nen India chet dan chungchang hi an sawiho a. Hemi hnu hian Qureshi chuan an ram himna chungchangah mi pawimawh dangte meeting a neihpui leh nghal a ni.

    PM Khan hian Natio-nal Security Committee-ah  hian India chetna hi a duh hun hunah a chhang let ve ang tih a sawi a. “India hian Pakistan zah lo takin hma a rawn la a, Pakistan chuan ama duh hun leh hmunah a la chhang let ve ang,” a ti.

    Meeting an neih hma hian Khan hian Pakistan sipaite chu eng pawh ti thei tura inring turin a hriattir a. Vawiin hian meeting a ko leh bawk.

    Pakistan Foreign Minister Qureshi hi Japan rama zin tum a ni a, he thil thleng avang hian a \hulh nghal a. Pakistan sorkar hian India indo thlawhna te hi an indona-ten an um a, India ram lamah an um kir leh nghal niin an sawi a, eptu lamin an awih lo hle!

    No comments

    Post Top Ad

    Post Bottom Ad