• Breaking News

    Oscar chungchanga inhnialna a reh thei lo

    Spike Lee leh Martin Scorsese-te chuan Oscar award sem hunah advertisement break laia award pali sem tuma ruahmanna awm chu an duh loh thu an sawi a. Anni hi director leh cinema siamtu mi 40 zet, hetianga ruahmanna duh lotu zingah an tel a ni.

    Hetianga advertise-ment tihchhuah laia award sem pali latute thusawi hi a hnuah edited version chu tihchhuah leh mai tura ruamhan a ni a. Heng award sem chhuah tura ruahmante hi - best cinematography, editing, hair and makeup leh live action short award te an ni.

    Hetiang ruahmanna hi February ni 11 khan Academy chuan member-te hnenah e-mail hmangin an hriattir a. Hei hi darh nghalin, an sawisel nghal sup sup a. Ruahmantute chuan award sem inkhawm hi darkar thuma an khung len theihna tura ruahman an nih thu an sawi a. Award sem hun chhung hi a rei loh chuan TV-a entu an \hat-hnem phah deuh an ring.

    Lemchan thiam Russell Crowe chuan hetianga ruahmanna hi ngaihdan mawlmang tak ni-a a hriat thu a sawi a. Kumin Oscars-a a film ‘Roma’ hmanga nomination 10 hmutu, Oscar vawi hnih lo dawng tawh Alfonso Cuaron chu he ruahmanna sawisel hmasa bertu a ni a. Ads break laia award sem tur zinga mi - cinemato-graphy award-ah hian Roma hi nominaee zingah a tel ve nghe nghe a ni.

    Cuaron chuan, “Commercial break laia award sem a nih pawhin, cinema innghahna leh a bulpui Cinematography leh Editing award-te hi chu telh ni lul lo teh se,” a ti.

    Commercial break laia award sem hrim hrim hi an duh loh ber a ni lo va, award sem an tum zinga \henkhat hi chu live-a tihchhuah ngei \ha ti pawl an awm a  ni ber a. Gareth Ellis-UnwinThe King's Speech director phei chuan vote a thlak loh tur thu a sawi hial a ni.

    No comments

    Post Top Ad

    Post Bottom Ad