• Breaking News

    Northern Rangers Gate pui luhna hawng; DIG (Trg) Pension thlah nghal

    DIG (Training)
    Kawnpui Dt. 25th Feb., 2019  : Inrinni chawhnu dar 1:00 khan Pu Joseph Lalchhuana IPS (DIG Training ni mek) chuan 1st IR Bn Mualvum-a Bn. Main Gate siam thar a hawng a; hemi hnu hian tun thla tawpa Superanuation pension-a chhuak tur anih avangin Vidhai Parade hmangin amah thlahna hun hman nghal a ni.

    Northern Rangers Gate
    1st IR Bn Mualvum (Northern Rangers tia invuah bawk) Main Gate hlui kha tih danglam a ni a; changkang zawk leh mawi zawk, tunlai thiamna hmanga thuamin siam that a ni a. He Gate hi han en mai pawhin Mit a la hle tawh a ni. Gate siam that nan hian Bn chuan sum leh tha thahnem tak an seng a; zan-ah Light System hmanga tihen a ni tawh bawk.

    Pu J Lalthafamkima MPS, Commandant 1st IR Bn in Pu Joseph Lalchhuana IPS chanchan a sawi a; Pu Joseph-a hian kum 1986 ah Mizoram Police Service (MPS) a zawm a; kum 2013 Nov thla-ah IPS nihna pek a ni a ti. Police hna a thawh chhung hian Post pawimawh hrang hrang 12 zet a chelh hman a. Hnathawk tha chawimawina thil chi 5-ah a dawng bawk. A chawimawina dawn zingah hian President’s Police Medal for Distinguihed Service te; President’s Police Medal for Meritorious Service te; Anti Human Trafficking lama Union Home Ministry in Award a hlan te; USA-a Honorary Mayor President Award leh DGP Commendation Disc te a tel a ni.

    Hei bakah hian Pu Joseph Lalchhuana hian Police thil pawimawh ah India ram pawn ram 12 zet ah a tlawh a; hengah hian Zirtirna pek leh thil zir bing a nei a ni. Police Subject bikah National Level Faculty member  nihna a chelh tawh thin a; Interpol Member a lo ni tawh bawk a; National Investigating Agency (NIA) ah Nodal Officer a lo ni tawh bawk a; Regional Economic Intelligence Council ah member a lo ni tawh bawk.

    Pu Joseph Lalchhuana chuan Police hna a thawh chhunga amah tawiawmtu Officers te hnenah lawmthu sawiin Sawrkar in ring tawk taka hna pawimawh a chelhtir chungchangah pawh lawmthu a sawi a ni.

    No comments

    Post Top Ad

    Post Bottom Ad