• Breaking News

    North Korea-in ralthuam a enchhin loh chuan US a lawm

    US President Donald Trump chuan US state governor, White House-a kal khawmte zingah thu sawiin, North Korea-in a ralthuam enchhin a chhun-zawm loh phawt chuan a lawm thu a sawi.

    Trump hi nimin khan Vietnam ram khawpui Hanoi-a North Korea hruaitu Kim Jong-un nena inbiakna nei turin a chhuak a. A chhuah hma chiah hian Governor kal khawmte hmaah thu a sawi a. Kim nen chuan mit leh mita inenin an titi a, an inkarah inkungkaihna \ha tak a awm niin a sawi bawk.

    US President leh North Korea leader-te hi Hanoi-ah hian Nilaini leh Ningani hian an inbe dawn a. Thla riat kalta khan Singapore-ah he mite pahnih hi an lo inbe tawh bawk a. Kha kha US President ni lai leh North Korea leader-te an inbiak vawi khatna a ni a. Khami \um khan Korea ram zingzuma nuclear ralthuam tihtlem kawnga hma la turin an inrem a ni.

    Hetih lai hian kha inbiak na khan US Democrats senator-te chuan Trump leh Kim-te inbiakna hian rah \ha, awmze nei a chhuah teh vak lo niin an sawi a. Trump hian chu chu a chhang let a ni.

    No comments

    Post Top Ad

    Post Bottom Ad