• Breaking News

    National War Memorial hawng

    National War Memorial
    Prime Minister Narendra Modi chuan nimin khan New Delhi-ah National War Memorial a hawng a. Hei hi India a zalen hnua national memorial a neih hmasak ber niin, kum 1947 a\anga India ram tana an nunna hlantu sipaite hriat rengna hmun tur a ni.

    He War Memorial hi India Gate complex-ah awmin, 40 acres zeta zau ram chu hemi atan hian hman a ni a. 1962-a India leh China indo, 1947, 1965 leh 1971 a India leh Pakistan indo te, Sri Lanka-a Indian Peace Keeping Force Operation-te leh 1999 a Kargil indona-te a bakah UN peacekeeping mission hrang hranga nunna chan sipaite hriatrengna hmun nin, national memorial bang 16 laiah sipai boral ta, mi 25,942 te hming ziah chhuah a ni.

    He Memorial hi \um  khatah mi 250-in an tlawh theih tura ruahman a ni a. Bial hrang hrang pali - ‘Amar Chakra’ or Circle of Immortality, ‘Veerta Chakra’ or Circle of Bravery, ‘Tyag Chakra’ or Circle of Sacrifice leh ‘Rakshak Chakra’ or Circle of Protection-te a \hen niin, a siam lai hian a bul vela thil awm tichhe lo thei ber tura ruahman a ni a. He Memorial an dinna hmunah hian an siam laiin thing 22 an kit a, a hnuah thing 715 an phun belh leh thung a ni.

    Sipaite hming tarlan a nih bakah hian Param veer Chakra hmu sipai 21-te lim (an awm chin) dah a ni a. Hming ziahna hi a \ul anga la ziah belh zel theih tura ruahman a ni bawk.

    Ni tin zing lam dar 9 a\anga tlai lam dar 7:30 thleng hawn \hin a ni ang.

    No comments

    Post Top Ad

    Post Bottom Ad