• Breaking News

    'MNF Sawrkar chu Huapzo Sawrkar a ni' - Educaation Minister

    Kawnpui
    Awithangpa Hall, Kawnpui-a MNF Kawnpui Joint Group buatsaihin MNF Sawrkar thar lawmna Feb 20, 2019 khan neih a ni a, Khuallian School Education Minister Pu Lalchhandama Ralte chuan MNF Sawrkar chu huapzo sawrkar a ni a, mi zawng zawngin neitu thinlung kan put a pawimawh a ni. Mipuite hian sawrkar kan dem fo thin a, mahse kan chanvo, kan kuta a lo thlen ve chiah hian a nihna angin ka ti lo fo thin. Sawrkar reng reng hi neitu thinlung puin en ila, mipuiin neitu thinlung a put loh chuan sawrkar a hlawhtling thei lo a ni a ti.

    MNF Sawrkar chu hmeithai leh pachhiate kal kantu sawrkar a ni dawn lova. Mi zawng zawng In ni vek tur Sawrkar a ni ang. Langtlang sawrkar, dik, fel leh tha, inthliar hranna awm lo sawrkar kalpui kan tum a, Development a lokal hunah pawh chhungkaw tin fairel thleng phak a ni ang a ti a. Education Minister hian he hunah hian Blood Processing fe chungchangte, Zirtirtu hlawh pek chungchang leh Zirtirtu lak belh te, Zirtirtu hlawh - 7th Pay leh School timing sawn chungchang leh Zu chungchangte sawiin Ram tana tha tur nia kan hriatah chuan sawrkar hi hma lam panin a kal zel dawn a ni a ti bawk.

    Education Minister hian function tan hmain Govt. H/S Kawnpui leh Green Hills High School Kawnpui a tlawh a, an mamawhte a sawipui a ni. MNF sawrkar hmasaa Green Hills H/S Adhoc-a hlankai tawh tun thlenga la provincialise loh chu a ngaimawh thu a sawi a, hei bakah hian Kawnpui Higher Secondary School pawh tlawh hman lo mahse a hriatreng thu sawiin, Kawnpui School-te mamawh chu a tahtawl te te bawhzui zel a nih tur thu a sawi bawk a ni.

    Minister tawiawmtu Pu PC Thanliana, Mamit bialtu MLA chuan MNF chu party dangin sawisel thin mahse party dang ang a ni lova, thisena din a ni tih hi hriatreng a pawimawh thu a sawi a, Party dangin an chirhtheh a nih chuan a theihna kawng kawngah chhanlet ve zel a ni ang a ti bawk a ni.

    Sawrkar thar lawmna hi Pu P. Roliana,Organising Committee Chairman-in a kaihruai a. Education Minister Pu Lalchhandama Ralte hi Pu PC Thanliana, Mamit Bialtu MLA; Mizofed Chairman Pu K. Laldawngliana leh MNF Headquarters hruaituten an tawiawm a ni.

    No comments

    Post Top Ad

    Post Bottom Ad