• Breaking News

    Mithiam kan mamawh

    Kan khawtlang hian mi tute emaw tlawn peih aiin mithiam, hmathlir nei thui leh vision nei \ha kan mamawh tawh hle mai. Tuna ke kan pen mekna leh kan ti ti ber nia lang chu thil la awm lo awm tir tumna aiin thil awmsa mahni duh dana her danglam duhna leh tumna a tam hle a ni.

    Khawtlangin Hall kan nei \ha tawk lo kan ti a, Awithangpa Hall leh Town Hall chu kan nei reng mai. Mahse punkhawm nana hman a hrehawm em em mai a. Mipui punkhawm a awm apiangin kan phun deuh ziah a ni. A chhan chu hmathlir kan neih tawi vang a ni pakhat ang.

    Kan Hall te pahnih ah hian Infiammi ten infiam an duh a, mipui punkhawmna leh Infiamna inkawp hi a buaithlak tawn ve ve a ni. Duh dan leh hmunhma buatsaih duh dan a inang lo a, a rem chang tawn ve ve thei lo.

    Mipui hian kalkhawm theihna In lianpui ringawt hi kan mamawh a ni lo a. Meeting Hall tha leh Sound System nena thuam, kal hmasa ten Hmun an phiahfai hnu a, thuthleng rem chawp ziah ngai lo. Mipui tana nuam tura Light system pawh remfel sa kan mamawh tawh khawp mai.

    Platform hnung lam pawh Public Hall a ni tih hriat taka chei leh thuam kan mamawh a ni. Tunah chuan Infiammi te nen kan inhman tawm avangin a tih theih loh.

    Hall pahnih kan nei a, khawi emaw zawk zawk hi chu Public Hall atan siam thei ila a duhawm khawp mai. Hmanlai Thingtlang Hall sak leh ruahman ang deuhin In lianpui in sak sak ringawt hi chu a tawk tawh lova. Khawtlang hruaitu hmathlir thui deuh kan neih a ngai.

    Mipui te hian hruaitu kan beisei dan hi tun kum mai thil ngaihtuah turin kan beisei lo, kum 50 lokal leh tur thleng pawha khawtlang tana \ha ber tur ruahman turin kan beisei a ni. Vawiina thil kan thlir dan erawh a thui lo hle mai a, tu te emaw tih lawm tumna ang lek te pawh a ang.

    Village Council ten Joint VC an siam a, mahse mahni VC thil bak ah rilru zawng zawng an seng duh lo emaw ni chu aw.... a tih theih. A chhan chu kan chetvel dan han thlir hian Plan nghet a awm loh hmel a ni.

    Kan rilru hi kal dik tir teh ang u. Kan la neih ngai loh leh thil la awm ngai lo lamah rilru seng ila, khua in hma a sawn dan tur lam zawk thlir ang u.

    No comments

    Post Top Ad

    Post Bottom Ad