• Breaking News

    Mipui Sawrkar


    In thlang ram (Democracy Country) kan nih angin kan chunga Roreltu tur kan thlang thin a, Political party hrang hrangten Roreltu ni turin theih tawp chhuahin an Campaign a, Opponent-te that lohna lao kan zaawng a, nssa takin kan insawisel a, chu chu Campaign lai boruak a nih angin Politic-ah chuan a leng vek anga ngaih theih a ni. Kan inthlang zova, tu party emaw chuan sawrkarna an chelh a ngai a, chutiang bawkin opposition party pawh a lo piang ta ngei bawk.

    Hetih lai hian Ruling party nih thuam lo a awm theih a, opposition party nih thiam lo, an role hre miah lo a awm theih bawk. Tu party pawhin sawrkarna lo se, chu sawrkar siamtu chu mipuite kan ni. Hei hi kan thlan tlinte hian an hriatchian a pawimawh hle. Sawrkarna siamtu chu eng party pawh nise, a fawng vuantu an nih tawh chuan mi zawng zawng huapzo, mipui sawrkar an ni tih an inhriat a pawimawi a, chutiang bawkin mipui lamte pawhin kan sawrkar kan ta a ni tih kan hriat a pawimawh hle bawk.

    Kan party kan chak lo a nih pawhin a chak party, roreltute chu Pathian ruat an ni tih pawm thiam ila, tawiawm thiam ila, min tihsak theih lam ngaihtuah lovin sawrkar tan eng nge ka tih ve theih tih ngaihtuah zawk ila, insawisel a, inseh a, inralthlir mai lovin, neitu chan chang thiam ila, hmasawnna hna an thawhna kawnga lo tawiawm tlat hi mipui mawhphurhna a ni e. Chutih rualin ram leh hnam tana him lo tur thilah erawh chuan kan sawisel ngam erawh a tul thung ang.

    Ruling party ni-a inngai, mahni ta bil ang maia hauh tlat, midang tel ve tul ti lo Ruling party chhungah hian a awm theih tho bawk. Chutiang mi chuan Politic awmzia a hre lova, party mal politic a khel a ni. Sawrkar chu mipuite siam, mipuite ta a ni a, mimal emaw party mal emaw ta a ni tawh lo. Hei hi kan politician zawng zawngte hian i hre thar leh ang u.

    Eng pawh nise, inthlang ram kan nih anga kan hruaitu tur kan thlan hian, kan thlan ngei a tling lo mahse mipui tam zawkin an thlan tlin a ni tih hriain chu mi chu min hruaitu tura Pathian ruatah pawm ila, kan thlan tlina pawhin a awmna party malah rilru pe mai lovin, mi zawng zawng chungah ang khata roreltu tur a ni tih ria se la. Chutianga mipui leh sawrkar a kal rem phawt chuan nasa takin kan ram hian hma a sawn ngei ang. Insawisel a, in ralthlir mai lovin mipui sawrkar a nihn hi i chiang ang u.

    No comments

    Post Top Ad

    Post Bottom Ad