• Breaking News

    Manchester-ah Ariana Grande

    Manchester
    Kum 2017 a Manchester-a a concert zo firfiak ten an beih hnuah Ariana Grande chuan Manchester a la tlawh leh lo va. Kum 2017 May thlaa thil thleng ah khan mi 20 zet an thi a nih kha. Khami hnua Manchester khawpui a tlawh lehna hmasa ber atan kumin August thlaa Manchester Pride neih turah Grande hi a zai ve dawn a ni.

    US pop star Grande hi August ni 25-a mi sangkua len theihna outdoor-a Man -chester Pride (concert) an neih turah hian a tel ve dawn a. He Pride concert hi LGBT+ te puala concert niin, rel station hluiah an nei dawn a ni.

    Grande hi tunah hian UK singles chart-ah number one leh two nihna hauh mektu a ni a, album chart lamah pawh number one nihna a hauh mek bawk a.

    Hemi hma pawh hian Grande hian a world tour neih hunah Manchester-ah hian hun special tak hman a rilruk thu a lo sawi tawh a, mahse, chu chu engtik hunah nge tih erawh a sawi rih lo thung.

    December thla khan a tour date a puannaah Manchester khawpuia a fan-te chu ‘Kan rawn kal dawn chiang’ tiin a lo tiam tawh a ni.

    Pride gig hi Mayfield Depot-a neih tur a ni a, Manchester Arena beihna, kum hnih kalta hnua Grande inlan lehna hmasa ber a nih avangin a emotional hle tura ngaih a ni a. Grande hi kha thil thleng avang khan nasa takin a rilru a danglam ni-a sawi a ni a, hla te pawh a phuah thar hial a ni.

    No comments

    Post Top Ad

    Post Bottom Ad