• Breaking News

    Liam Neeson-a film a turu vak lo

    Liam Neeson chu tun hnaiah a tawng fimkhur loh avangin a film tharin a tuar niin a ngaih theih a. A film thar, Cold Pursuit chu US leh Canada ram cinema hall-a a lar ber a ni lo va, pathumna a ni pha hram a. Zirtawpni a\anga Chawlhni inkar khan cinema hall hrang hrang a\anga a sum hmuh belh khawm chu dollar maktaduai 10.8 chauh a tling.

    He film hi revenge drama niin, Neeson hi kawnga vur awm thian faitu motor driver niin, a fapa thattu ni-a a hriat ruihhlo zuarte laka phuba a lakna a ni.

    Kum 66-a upa Neeson hian kar hmasa khan an kawmnaah vawi khat chu mi hang thah chakna rilru a neih thu a sawi a. The Independent-in an kawmnaah a hmelhriat hnai tak pakhat chu mihangin an pawngsual tih a hriatin a thin a rim lutuk a, mi hang thah tur a hmuh takin tiin zanah kawngpuiah a vak chiam tawh tih a sawi a. Hei hi mi tam takin an sawisel a; hemi avang hian a film thar pawh hi miin an ngaihven loh phah ni-a ngaih a ni.

    Cold Pursuit film hi kum 2014 a Norweigian film Kraftidioten behchhan a an siam a ni a. UK-ah chuan tun thla ni 22 hian tihchhuah a ni ve dawn chauh a ni.

    Taken film-ho kha Neeson-a film channa hit hnuhnung lam an ni a. A bak a lemchanna dang chu tihchhuah karah dollar maktaduai 15 hmu chhuak thei a awm mang lo a. Tun \uma mi pawh hian film lama expert-te beisei san ang aiin mipui lawm a hlawh lo a ni.

    No comments

    Post Top Ad

    Post Bottom Ad