• Breaking News

    Leicester manager tur Rodgers?

    Football
    Brendan Rodgers chu Leicester City manager hmun ruak luah tura rinkai ber a ni ta a. Celtic chuan Premier League club Leicester hi an manager Rodgers be turin phalna an pe tawh a ni.

    Foxes hian an manager ni lai Claude Puel chu an ban a, amah thlaktu tur hi hun paih lova lak luh leh nghal an duh avangin an hmanhmawh hle a. Celtic hian an manager hi an chhuah phal a, Rodgers pawhin Leicester hi a enkawl chak tihna a ni ber tawh a. A chhan pawh official-a Celtic-in Rodgers biak an phal hma hian Foxes hotute hian a rukin an lo dawr daih tawh ang tih a chiang sa a ni.

    Celtic chuan thuchhuah siamin, “Brendan hian he hun remchang hi chiang zawka han bih a duh a ni,” tiin Leicester nena an inbiak an phalsak thu hi an puang a ni.

    Liverpool manager hlui Rodgers hian Scottish Premiership-ah Celtic hi vawi hnih a champion-pui tawh a, tuna hian hian an hmelma hlun Rangers lakah point 8-a sangin hma an hruai a, a zawna a \um 8-na turin champion leh an tum mek a. Hemi bakah hian Champions League-ah group stage pawh an khel ve pha hial a. Mahse, nikum nipui lai khan player leh leh hralh chungchangah Celtic hotute nen an inhmu thiam lo a ni.

    Rodgers hian kum 2014 khan Liverpool chu Premier League-ah a champion-pui \ep a, mahse, a kum leh October thlaah an ban.

    No comments

    Post Top Ad

    Post Bottom Ad