• Breaking News

    Leicester-in Puel an ban

    Leicester City chuan thla 16 chhung an manager ni tawh Claude Puel chu Chawlhni khan an ban.

    Inrinni zan khan Leicester hian Crystal Palace an mikhual a, 4-1 in an hneh lo va. Hei hi Puel-a game hnuhnung ber a ni ta a ni.

    Kum 57-a upa Puel hi tun hnaiah a che \ha lo va, Premier League game an khelh hnuhnung vawi rukah vawi nga an chak lo a. Tunah hian 12-na an ni mek a ni.

    Season liamta khan Puel hian Leicester hi 9-naah a awmpui a. Thla 23 chhunga Leicester mana-ger nghet 3-na a ni a. An home-ah a zawnin Premier League game vawi 4-ah an chak lo va, chu chuan a hna a chhuhsak ta a ni.

    A rual hian assistant manager Jacky Bonnevay chuan Leicester hi a chhuah san ve nghal a. First-team coache Mike Stowell leh Adam Sadler-te chuan Leicester hi an enkawl rih dawn a ni.

    Leicester hian Thawh-lehni hian Premier League-ah Brighton an mikhual leh dawn a, manager nghet nei lovin an khel tawh ang.

    Puel hi kum 2017 October thla khan la lutin Leicester hian kum thum daih contract an ziahpui a. Premier League-a cham-pion-puitu Claudio Ranieri thlaktu Craig Shakespeare a thlak a. Hemi hma hian Lyon leh Southampton a lo enkawl tawh a. Leicester a enkawl lai hian a hnuai lam a\anga 3-naah awmin, 9-naah a kaisanpui thei a.Mahse, tun season-ah erawh beisei an pha ta lo a. Mahse, Manchester City leh Chelsea-te an hneh thei a. Mahse, FA Cup leh Carabao Cup-ah Puel hian player a luhtir danah sawi-sel a hlawh a. Premier League an champion \uma an player \ha ber, tun season-a goal 8 khunga an top scorer ni lai Jamie Vardy chuan Puel-a khelh tir dan chu a khelh thiam dan a nih loh thu a sawi ve bawk a ni.

    No comments

    Post Top Ad

    Post Bottom Ad