• Breaking News

    Leicester City manager thar Brendan Rodgers

    Leicester City manager
    Brendan Rodgers chu Leicester City manager thar atan ruat a ni a, he hna thawk tur hian Rodgers hian Celtic manager hna a bansan a ni.

    Northern Irishman Rodgers hian Leicester-ah hian kum 2022 June thla thleng daih contract a ziak a. Chawlhni-a an ban ta, thla 16 chhung an manager ni hman Claude Puel chu Leicester-ah hian a thlak a. Rodgers chu Premier League manager a ni leh ta a ni.

    Rodgers hian hemi hma hian Premier League-ah Swansea City leh Liverpool-te a lo enkawl tawh a. A che chhe lem lo a, chuvangin, Leicester-ah hian a chet \hat theih mi tam takin an ring.

    Rodgers chuan, “He club supporter-te inchhuan na khawpa hna \ha thawk turin ka hun ka pe vek dawn a ni,” tiin Leicester-a a hnathawh tum dan a sawi.

    Thawhlehni zan khan Leicester hian Brighton chu 2-1 in an hneh a, he inkhel hi an manager thar ni ta Rodgers hian mipui zing a\angin a lo en ve a. Inkhelh zawhah inthlakna pindanah kalin, Leicester City player-te chibaiin, an zingah thu pawh a sawi nghe nghe a ni.

    Rodgers chuan Leices -ter a enkawl thei tur chu lawmawm a tih thu a sawi a. “Kan \anrual chuan kan chak dawn a, player-te leh staff bakah supporter-te nen kawng dik zawha hmalam kan pan theih ka ring,” a ti bawk.

    Rodgers hi Celtic-ah hian Neil Lennon chuan a thlak nghal a, ani hi tun season chhung Celtic chuan an chhawr ang.

    Rodgers hi Leicester City-ah hian Arsenal, Liverpool, Manchester leh Celtic-a khel tawh defender \ha Koklo Toure chuan zuiin, first team coach a ni dawn a. Ani hi Celtic-ah pawh Rodgers-a hnuaia lo thawk tawh a ni a. Rodgers hian Liverpool chu kum 2013-14 khan Premier League-ah a champion-pui \helh a, mahse, a kum leh 2015 October thla khan an ban ta a. Kum 2016 May thla khan Celtic hi enkawl \anin, a enkawl chhung hian trophy an lak theih zawng zawng ti ila, an ram chhunga mi chu a la fai vek a. Kum hnih leh a chanve a enkawl chhung hian Champions League group stage a khelhpui ve ve thei a, British club zinga chak lova kal tluang rei thei ber record thar siamin, match 69 chhung hneh loh nei lovin a kal tluanpui a, kum 100 chhung record lo ding tawh chu a rawn siam thar a ni.

    Rodgers hian Watford leh Reading-te a lo enkawl tawh bawk a. Kum 2014 khan LMA Manager of the Year hlan a ni.

    Leicester Vice-chair-man Aiyawatt Srivaddha-naprabha chuan Rodgers-te anga \ha manager Leicester-a an la lut thei chu lawmawm a tih thu leh an club hmasawnna thlentu a nih ngei a beisei thu a sawi a ni.

    No comments

    Post Top Ad

    Post Bottom Ad