• Breaking News

    Lalremsiami’n Asia khawmualpui chawimawina a dawng

    mizoram hockey
    Asian Hockey Federation chuan nikum chhunga Asia khawmualpuia hoc-key lama che \hate chawi-mawina a semah Kolasib nula Lalremsiami chu nikum chhunga hmasawn berah an thlang.

    India mipa captain Manpreet Singh chu Player of the Year 2018 (Male) ah an thlang a. Lalremsiami hi Rising Player of the Year 2018 (Female) ah an thlang bawk a. India mipa hockey team chu Best Perfor-mance Of the Year 2018 award hlan an ni bawk.

    Kum 2017 khan India player SV Sunil chu kum 2016 a a chet \hat avangin Asian Hockey Federation hian Player of the Year atan an lo thlang tawh a. Manpreet Singh hian Muscat, Oman-a Hero Asian Champions Trophy khelhah India team chu chak loh nei lovin a kal tluanpui a, Pakistan nen champion-a puan ve ve an ni ta a. FIH Champions Trophy, Breda-ah silver medal an la bawk a. Hetah hian Manpreet hi midfield-ah inkhel thununtu a ni.

    India hmeichhe hockey player Lalremsiami hi kum 18 mi chauh la niin, kum 2018 khan India ram mai ni lo, Asia khawmualpui leh khawvel huapah pawh a che \ha viau a, hma a sawn nasa hle a. 2018 Women’s World Cup-ah te, 18th Asian Games, Jakarta-Palembang-ah te a che \ha a, khatah phei kha chuan a silver medal an la nghe nghe a. Youth Olympic Games, Buenos Aires (Argentina) ah telin, U-18 Indian team chu silver medal a lakpui bawk a; he chawimawina hi a phu hle a ni.

    Indian Men’s Hockey Team, Best Performance of The Year 2018 hlan an ni hi sawisel an kai deuh a. Odisha Hockey Men’s World Cup, Bhubaneswar 2018-ah khan top 8 an ni chauh va. Mahse, FIH Champions Trophy, Breda-ah 2016 London angin silver medal an la leh chauh bawk.

    Hockey India General Secretary Rajinder Singh chuan, “Manpreet Singh leh Lalremsiami-te mimal chawimawina - Player of the Year 2018 (Male) leh Rising Player of The Year 2018 (Female), Asian Hockey Federation-in an hlan hi ka lawmpui a. Indian Men’s Hockey Team pawh The Best Perfor-mance of the Year 2018  award an dawn avangin ka lawmpui em em bawk.

    “Heng chawimawina ropui tak hian India player-te rilruah Asia khawmual-pui mai ni lo, khawvel huap hockey inelnaah \ha zawka khel turin fuih se, India ram tan chawimawina sang zawk dawn belh zel se ka ti takzet a ni,” a ti.

    Remsiami hi tunah Bangalore-ah, inkhelin a awm mek a ni.

    No comments

    Post Top Ad

    Post Bottom Ad