• Breaking News

    LA zirtirtu nuar an tawp thei lo

    Los Angeles Unified School District hnuaia hnathawk zirtirtute chuan kar hmasa Thawhtanni atang khan an hlawh tihsan leh thil dang phutin nawrh an huaihawt a. He nawrhna hi zirtirtu sing thum aia tamin an thlawp a, zirlai naupang nuai 5 chuangin an tuar mek.

    Hetianga zirtirtute nawrhna hi kum 30 chhunga a vawi khatna niin, hlawh sang zawk, class room te zawk leh staff pek belh te an ngiat a. Chu bakah chuan sorkar hriatpui lohva school hawngte titawp turin an phur bawk.

    Hetianga an lungawi lohna hi District Superinten -dent Austin Beutner chuan a tam zawk chu a hriatthiampui thu sawiin, an thil phutte tihlawhtling tur erawh chuan state level-a fund an hmuh belh a nih loh chuan sorkar tan tihngaihna a awm lo niin a sawi.

    United Teachers Los Angeles union president Alex Caputo-Pearl chuan sum awm lo chhuanlam hi district thuneitute inthlah-dah vang niin a sawi a; sorkar nen an inbiak rem theih an beisei tih a sawi bawk.

    No comments

    Post Top Ad

    Post Bottom Ad