• Breaking News

    Kumin Oscar Award semtu tur tichiang

    Oscar Hosts
    Lemchan thiam Jennifer Lopez, Tina Fey leh Daniel Craig-te chu 91st Oscars-a award presenter tura ruat an ni.

    Anni bakah hian Awkwafina, Chris Evans, Whoopi Goldberg, Brie Larson, Amy Poehler, Maya Rudolph, Amandla Stenberg, Charlize Theron, Tessa Thompson leh Constance Wu-te pawh award semtu tur hian ruat an nih thu The Hollywood Reporter chuan a tarlang.

    Hemi chungchang hi producer Donna Gigliotti  chuan, “Oscar nominee-te hian khawvel huapin ngaihven an hlawh hle tawh a ni,” a ti a. Co-producer leh director Glenn Weiss pawhin thuchhuah siamin, “MIpuite hnenah hian hun ropui, kan zavaia nun khawih thei khawpa hun nuam leh danglam pek kan duh a. Kan zavaia movie kan hmangaihna lantirna hun a nih avangin kan duh uluk hle a ni,” a ti bawk.

    Kumin Oscars-ah hian Original song category-a nominee hla panga-te chu stage-ah perform a ni dawn tih puan a ni tawh a. Jennifer Hudson chuan documen-tary - RGB-a hla `I`ll Fight` chu a rawn sa dawn a. Marc Shaiman leh Scott Wittman-te ziah, ‘The Place Where Lost Things Go’ hla, ‘Mary Poppins Returns’ film-a mi chu special guest, mite mak tih tur ti-a an sawi chuan a sa dawn tih puan a ni bawk.

    Gillian Welch leh David Rawlings-te pawh ‘The Ballad of Buster Scruggs’ film-a `When a Cowboy Trades His Spurs for Wings` hla sa tura ruat an ni tawh a. Bradley Cooper leh Lady Gaga  te pawhin ‘A Star Is Born’ film-a hla mawi tak ‘Shallow’ chu an rawn sa ang a. Kendrick Lamar leh SZA-te chuan ‘Black Panther film-a hla `All the Stars` an rawn sa dawn bawk a ni.

    Academy Awards - 91st Oscars hi February ni 24 hian sem chhuah tum a ni a. Kuminah hian host an awm dawn lo a ni.

    No comments

    Post Top Ad

    Post Bottom Ad