• Breaking News

    Nike pheikhawk chhiat vangin Zion Williamson a inhliam!

    Kum 18-a upa, basketball-a player \ha chho tura rinkai Zion Williamson chu  Nilaini (kan tan Ningani) khan College basketball match-ah minute khat pawh a khelh hmain a pheikhawk, Nike company siam chu a hnuai a khawk hlawk a, hemi vang hian a inhliam!

    Nikum June thla NBA Drafat-a number one pick Zion-a hi court chhungah second 33 chiah a awm hman tihin a Nike phei-khawk bun chu a hnuai a tla hlawk a. ‘Next LeBron James’ ti-a mi tam takin an sawi hi a inhliam a, a khel chhunzawm thei lo!

    He inkhelah hian Zion-a telna Duke University leh North Carolina te an inkhel a. An inkhel entu zingah hian US President hlui Barack Obama. Floyd Mayweather, LeBron James leh Jay Z-te pawh an tel ve a ni.

    Blue Devils hmatawng Williamson hi NBA vawi hnih champion tawh Kevin Durant chuan, “Chhuan khata a \ha fal awm \hin zinga mi” ti-a a sawi niin, a dribbling laiin a pheikhawk hi a chhia a, hemi avang hian a khup veilam a tina a. A pheikhawk chhuat hnuai chu a tla hlawk a. Nike chuan, “Pawi kan ti takzet. Zion hi dam leh thuai se kan duh a ni,” an ti.

    Nike chuan, “Kan thil siamte hi a \ha tawk tur a ni tih hi kan thupui a ni a, he thil ang hi thil thleng khat tak a ni a, a chhan zawn chhuah kan tum,” an ti bawk.

    Williamson hian court a chhuahsan nghal a, inkhelh chhungin a rawn kir leh tawh lo a. A khup a tihnat thu hi Duke coach Mike Krzyzewski chuan a sawi.

    Williamson hi college basketball-ah a chet \hat theih em avangin professio-nal a nih hnuah dollar 1bn  (tluklehdingawn 1) hlawh  nghal thei tura rinkai a ni.

    Zion-a a khelh tluan theih tak lohvah hian he inkhelah hian North Carolina hi 88-72 in an chak ta a ni.

    No comments

    Post Top Ad

    Post Bottom Ad